Вы тут

Аляксей Талай устанавіў новы рэкорд Параалімпійскіх гульняў


У алімпійскім «Аквацік цэнтры» ў Токіа працягваюцца спаборніцтвы па параалімпійскім плаванні. У апошні дзень лета на дыстанцыі 50 метраў брасам у класе SB2 тут выступаў Аляксей Талай. І няхай на п'едэстал параалімпіец на падняўся, нагода для гонару ёсць.


У папярэдніх заплывах Аляксей паказаў вынік у 1 хв. 24.86 секунды. Гэты час дазволіў яму не проста кваліфікавацца ў фінал спаборніцтваў, але і ўстанавіць новы рэкорд Параалімпійскіх гульняў у сваім класе, які трымаўся з 1992 года.

У фінальным заплыве Аляксей Талай палепшыў свой уласны вынік, паказаны раней. У фінале ён прыплыў да фінішу за 1 хв. 23.16 секунды. Гэтага часу не хапіла для заваявання медаля, у выніковым пратаколе беларус размясціўся на 7-й пазіцыі. Але такім чынам за адзін дзень Аляксей Талай двойчы перапісаў 29-гадовы рэкорд Параалімпіяды ў класе SB1.

«Я ўстанавіў два параалімпійскія рэкорды тут, у Токіа. Дзякуй за вашу падтрымку. Мы гэта зрабілі. Люблю вас», — звярнуўся да аматараў Аляксей на сваёй старонцы ў «Інстаграм».

Наперадзе Аляксея чакае яшчэ адзін параалімпійскі заплыў — на 50 метраў на спіне. Працягваюць сваё выступленне ў Токіа беларускія лёгкаатлеты і плыўцы. У чацвер на старт выйдзе адзіны прадстаўнік Беларусі ў параканоэ Ілья Таўпянец. Параалімпійскія гульні ў Токіа завершацца 5 верасня.

Валерыя СЦЯЦКО

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.