Добрым падарункам для людзей з абмежаванымі магчымасцямі, якія пражываюць у Лепельскім раёне, стануць кулінарная і садоўніцкая майстэрні цэнтра сацыяльна-працоўнай, сацыяльна-бытавой і фізічнай рэабілітацыі інвалідаў. Адкрыццё запланавана на 3 верасня — у рамках святкавання Дня горада ў Лепелі.
Майстэрні створаны дзякуючы сумесным намаганням Лепельскага раённага выканаўчага камітэта, міжнароднага дабрачыннага грамадскага аб'яднання «ЭкаБудаўнік» і дабрачыннай арганізацыі Heіm-statt Tschernobyl e.V. (Германія). Гуманітарны праект пры фінансавай падтрымцы нямецкага Федэральнага міністэрства па эканамічным супрацоўніцтве ажыццяўляецца з мая 2019 года, удакладнілі «Звяздзе» ў райвыканкаме. Яго мэта — паляпшэнне якасці і пашырэнне спектра сацыяльных паслуг для людзей з інваліднасцю з дапамогай умацавання матэрыяльна-тэхнічнай базы дзяржаўнай установы «Тэрытарыяльны цэнтр сацыяльнага абслугоўвання насельніцтва Лепельскага раёна».
У рамках рэалізацыі праекта і пабудавалі будынак кулінарнай і садоўніцкай майстэрань. У планах — узвядзенне Цэнтра сацыяльнай адаптацыі, рэабілітацыі, навучання, пражывання інвалідаў і часовага прытулку. Яго ўвод у эксплуатацыю намечаны на 2022 год.
Праект мае высокую грамадскую значнасць для рэгіёна ў цэлым, паколькі будаўніцтва названых аб'ектаў павысіць даступнасць абслугоўвання інвалідаў (у тым ліку і з сельскай мясцовасці) у аддзяленні дзённага знаходжання, падкрэслілі ў райвыканкаме.
Аляксандр ПУКШАНСКІ
Прэв’ю: pixabay.com
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
«Мы зацікаўлены, каб да нас прыязджалі».
