Вы тут

Слова яднае: у Капылі прадстаўлены аўтарскі праект Уладзіміра Ліхадзедава «17 верасня — Дзень народнага адзінства»


Адной з галоўных пляцовак падчас святкавання Дня беларускага пісьменства стаў павільён «Адзінства», дзе прадстаўлены аўтарскі праект лаўрэата прэміі Прэзідэнта Рэспублікі Беларусь «За духоўнае адраджэнне» Уладзіміра Ліхадзедава «17 верасня — Дзень народнага адзінства». Праект прысвечаны Году народнага адзінства ў Беларусі.


Аўтарскі праект прыцягнуў да сябе ўвагу не толькі жыхароў Капыля і Капыльскага раёна, але і шматлікіх гасцей свята з іншых рэгіёнаў краіны. Кожны з іх змог пагутарыць з Уладзімірам Аляксеевічам і атрымаць вычарпальныя адказы на ўсе пытанні. Напрыклад, Святлана Георгіева прыехала з Брэсцкай вобласці. Яна са школьных гадоў цікавіцца гісторыяй.

Мне захацелася асабіста дакрануцца да работ знакамітага майстра, — кажа жанчына. — І я вельмі задаволеная, што не пашкадавала выхаднога дня, каб прыехаць на выставу.

А паглядзець тут было сапраўды шмат цікавага, адкрыць для сябе нешта новае.

Наведвальнікі змаглі пабачыць асабістыя рэчы дзяржаўнага і палітычнага дзеяча Беларускай Савецкай Сацыялістычнай Рэспублікі Сяргея Прытыцкага, малавядомыя шырокаму колу чытачоў арыгінальныя друкаваныя беларускія выданні 1921-1939 гадоў. Тут расказвалася аб жыцці жыхароў Заходняй Беларусі. Цікавасць прадстаўляюць і фотаздымкі таго перыяду, гістарычныя дакументы, першыя беларускія газеты, што пачалі выпускацца пасля аб’яднання Заходняй Беларусі і БССР.

Таксама быў арганізаваны Фестывалі кнігі і прэсы, прадстаўлены пяццю тэматычнымі павільёнамі «Памяць», «Традыцыі і сучаснасць», «Разам з кнігай мы расцём», «Адзінства», «Слова пісьменніка». Тут адбылася прэзентацыя тэматычных кніг, прадстаўлены інтэрактыўныя праграмы. У тэматычных фотазонах усе ахвотныя маглі сфатаграфавацца з калажаў газет 1921-1939 гадоў. 

Таццяна ЛАЗОЎСКАЯ

Фота Аліна МАЗАВЕЦ

Выбар рэдакцыі

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.