Вы тут

Найбольш яркія эпізоды вучэння «Захад-2021» былі разыграны вайскоўцамі трох краін


На палігоне «Брэсцкі» ўдзельнікі манеўраў ажыццявілі масавае дэсантаванне з самалётаў Іл-76. З 20 ваенна-транспартных самалётаў скачок з парашутам здзейснілі звыш 350 беларускіх і расійскіх ваеннаслужачых. Акрамя таго, былі дэсантаваны каля 30 адзінак тэхнікі, пасля чаго вайскоўцы дзвюх краін рушылі на патрэбны рубеж — праціўнік быў спынены.


— Тэхніка і асабовы склад прызямліліся строга на пляцоўку для дэсантавання і прыступілі да выканання задач, — адзначыў камандуючы сіламі спецыяльных аперацый Узброеных Сіл Беларусі генерал-маёр Вадзім ДЗЕНІСЕНКА. — На вучэнні мы ўжо адпрацавалі самыя складаныя задачы. Гэта дэсантаванне як днём, так і ноччу, баявая стральба ў цёмны час сутак, захоп вострава, пераадоленне водных перашкод. 

Прадстаўнік абароннага ведамства заўважыў, што напярэдадні высадкі аператыўна-тактычнага дэсанта на Брэсцкім палігоне адбылося начное дэсантаванне ваеннаслужачых Беларусі, Расіі і Казахстана. «На начное дэсантаванне вайскаўцаў-казахстанцаў мы запрасілі ўпершыню, — удакладніў Вадзім Дзенісенка. — На кожным такім вучэнні мы павялічваем колькасць сумесных падраздзяленняў, каб ваеннаслужачыя адчувалі плячо таварыша пры здзяйсненні скачкоў з парашутам». 

У той жа час на Абуз-Лясноўскім палігоне, што пад Баранавічамі, злучэнні і вайсковыя часці рэгіянальнай групоўкі адбілі наступленне ўмоўнага праціўніка, а таксама, стварыўшы пэўныя ўмовы, ажыццявіі контрудар. Наступленне рэгіянальнай групоўкі войскаў падтрымлівалі агнём лётчыкі, ракетчыкі і артылерысты. У небе прыкрывалі падраздзяленні верталёты Мі-24 Ваенна-паветраных сіл і войскаў супрацьпаветранай абароны Узброеных Сіл Беларусі, а таксама верталёты Ка-52 авіяцыі расійскай арміі. 

Назіралі за гэтым эпізодам вучэння замежныя ваенныя аташэ з 18 краін, а таксама назіральнікі дзяржаў-членаў АДКБ і Шанхайскай арганізацыі супрацоўніцтва, дэлегацыі выканкама СНД і Сакратарыяту Савета міністраў абароны СНД, прадстаўнікі міжнароднага Чырвонага Крыжа. 

Вераніка КАНЮТА

Фота «Ваяр»

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.