Вы тут

«...Не пакідаючы харчавання нават дзецям»


Чарговы нумар «Звязды» будзе незвычайны. У ім, акрамя актуальнай інфармацыі сённяшняга дня, можна ўбачыць, прачытаць матэрыялы, якія публікавала на сваіх старонках газета ў памятныя дні верасня 1939-га. Заўтрашні нумар выйдзе з рэпрынтам свайго 6492 нумара за 18 верасня 1939 года, на наступны дзень, як часці Чырвонай Арміі ўвайшлі на тэрыторыю Заходняй Беларусі і ўзялі пад сваю абарону насельніцтва гэтага краю.


Чаму — пад абарону?

Вось кавалачак тэкста аднаго з матэрыялаў відавочцы тых падзей.

«За апошнія дні хваля рэквізіцый і канфіскацый пятлёй душыць усе сялянскія двары Заходняй Беларусі. Паліцэйскія банды і дружыны асаднікаў ноччу, як шакалы, робяць непрарыўныя налёты на вёскі, выграбаючы зярно, фураж, палатно, вопратку і калёсную мазь, не пакідаючы харчавання нават дзецям. Так, напрыклад, у хутары Дуброўна ноччу, не гледзячы на жудасны плач і крыкі жанчын і старыкоў, паліцыя, як саранча, ачысціла ўсе двары хутара, увяла 8 кароў і 13 авечак... З вёскі Рубяжэвічы першага верасня гвалтоўна ўвялі 180 коней. На жудасныя крыкі і просьбы паліцэйскія адказалі збіваннем».

У тым нумары «Звязда» публікавала таксама выступленне па радыё Старшыні СНК СССР В.М. Молатава ў сувзяі з рашэннем савецкага кіраўніцтва адддаць загад Чырвонай Арміі «перайсці граніцу і ўзяць пад сваю абарону жыццё і маёмасць жыхароў Заходняй Украіны і Заходняй Беларусі». «Ніякія межы, ніякія пагранічныя слупы больш не падзеляць, не пасякуць на часці нашу родную зямельку — Беларусь», пісала газета. На першая старонцы надрукавана нота Урада СССР, уручаная польскаму паслу ў Маскве раніцай 17 верасня 1939 года, а таксама паслам і пасланнікам дзяржаў, якія мелі на той момнт дыпламатыныя адносіны з СССР (уключаючы пасланніка Тувінскай Народнай Рэспублікі), аператыўная зводка Генеральнага штаба РСЧА за 17 верасня, рэпартаж з пагранічных сёл. Напрыклад, расказваецца пры «выключную сустрэчу на кватэры калгасніцы Ксеніі Юрчук: да яе ў госці прыйшоў яе дзядзька, 52-гадовы селянін Павел Аленюк з суседняга сяла па той бок граніцы. Сваякі не бачыліся каля двух дзесяткаў год».

У нумары багата інфармацыі аб мітынгах і сходах працоўных розных прадпрыемстваў, калгасаў і саўгасаў, на якіх выказвалася гарачая падтрымка рашэнню савецкага кіарўніцтва. «Мы ідзём не як заваявальнікі, а як вызваленцы нашых братоў па класу — беларусаў, украінцаў і працоўных Польшчы, з якімі мы звязаны гістарычнымі ўзамі брацтва і барацьбы супраць прыгнятальнікаў», пісала газета, робячы выснову: «Дзе панавала галеча, заквітнее вялікае чалавечае шчасце».

Канстанцін ЛЮТКЕВІЧ

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.