Вы тут

У Магілёве абмяркоўваюць тэму стварэння здаровых і бяспечных умоў працы і прафілактыку вытворчага траўматызму


Гэтыя пытанні разглядаюцца ў рамках двухдзённай VII-й рэспубліканскай навукова-практычнай канферэнцыі «Ахова працы — клопат агульны».


У рабоце канферэнцыі прымае ўдзел намеснік міністра працы і сацыяльнай абароны Ігар Старавойтаў. 

— Правядзенне штогадовай канферэнцыі — важны момант ва ўдасканаленні падыходаў да аховы працы, — адзначыў ён. — У гэтай сферы шмат пытанняў, якія можна і трэба вырашаць разам. Наймальнікі, работнікі і іх прадстаўнікі павінны працаваць у адзінай счэпцы.

Першы дзень канферэнцыі праходзіць на базе Беларуска-Расійскага ўніверсітэта. Тут жа працуе выстава, дзе прэзентуюцца сучасныя сродкі індывідуальнай абароны. Прадстаўнікі Міністэрства працы і сацыяльнай абароны, органаў дзяржаўнага нагляду, кіраўнікі і спецыялісты па ахове працы арганізацый і прадпрыемстваў абмяркоўваюць пытанні асноўных кірункаў удасканальвання адпаведнага заканадаўства, стварэнне бяспечных і здаровых умоў для работнікаў, як адной з галоўных задач кіраўнікоў. Яны прааналізуюць стан вытворчага траўматызму за восем месяцаў гэтага года, інфармацыйнае забеспячэнне работы па ахове працы на прадпрыемствах. Сёння запланавана таксама правядзенне круглага стала з удзелам прадстаўнікоў прадпрыемстваў. Заўтра канферэнцыя перамясціцца на другою дыялогавую пляцоўку, дзе удзельнікі пагавораць пра ажыццяўленне грамадскага кантролю за захаваннем заканадаўства аб ахове працы, разгледзяць умовы страхавога кампенсавання ў сувязі з няшчаснымі выпадкамі і азнаёмяцца з вынікамі сацыяльнага даследавання па Магілёўскай вобласці на тэму «Ацэначныя меркаванні работнікаў прадпрыемстваў Магілёўскай вобласці аб парушэнні патрабаванняў па ахове працы».

— Мы зацікаўлены, каб да нас прыязджалі прадстаўнікі рэспубліканскіх органаў аховы працы, — падкрэсліў у сваёй прамове намеснік старшыні Магілёўскага аблвыканкама Валерый Малашка. — Кожны год прыносіць свае навацыі, жыццё дыктуе шэраг новых правілаў. І для магіляўчан важна даведацца з першых вуснаў пра новыя падыходы і ідэі.

У рамках канферэнцыі запланавана таксама наведванне аднаго з буйных у рэспубліцы вытворцаў малочнай прадукцыі «Бабушкінай крынкі».

Нэлі ЗІГУЛЯ

Фота з сайта mogilev-region.gov.by

Выбар рэдакцыі

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.

Грамадства

Як у маладой рэспубліцы ўвасаблялі амбіцыйны праект універсітэцкага гарадка...

Як у маладой рэспубліцы ўвасаблялі амбіцыйны праект універсітэцкага гарадка...

Асобнае месца займае будынак гімназіі Зубакіна і Фальковіча.

Эканоміка

Баляслаў Пірштук: Будучыня — за «зялёнай» эканомікай

Баляслаў Пірштук: Будучыня — за «зялёнай» эканомікай

З кожным днём на нашых дарогах усё больш электратранспарту.

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.