У мэтах папярэджання дарожна-транспартных здарэнняў з 16.00 17 верасня да 12.00 20 верасня Дзяржаўтаінспекцыя Міншчыны правядзе масіраваную адпрацоўку аварыйна-небяспечных участкаў аўтадарогі М-6 Мінск — Гродна — мяжа Рэспублікі Польшча (Брузгі) на тэрыторыях Мінскага і Валожынскага раёнаў.
У гэтыя дні супрацоўнікі Дзяржаўтаінспекцыі, выкарыстоўваючы негалосны і змешаны кантроль, будуць выяўляць і спыняць парушэнні Правілаў дарожнага руху з боку кіроўцаў, якія не даюць перавагі пешаходам, перавозяць пасажыраў з парушэннямі ПДР (у першую чаргу — дзяцей), парушаюць правілы абгону і не выконваюць хуткасныя рэжымы. Таксама будуць спыняцца такія грубыя парушэнні ПДР, як кіраванне транспартам у стане ап’янення і кіраванне без правоў.
Не застануцца без увагі і пешаходы, якія парушаюць правілы дарожнага руху. Не варта забываць пазначаць сябе ў цёмны час сутак святлоадбіўнымі элементамі. Пешы ўдзельнік дарожнага руху або веласіпедыст, на верхняй вопратцы якога замацаваны такі элемент, прыкметны пры блізкім святле фар аўтамабіля за 150 метраў, а пры далёкім — за 400 метраў. Без флікера бачнасць скарачаецца ў некалькі разоў, асабліва калі мінак апрануты ў цёмную вопратку, нагадалі ва УДАІ УУС Мінскага аблвыканкама.
Дзяржаўтаінспекцыя рэкамендуе кіроўцам пры руху ўлічваць дарожныя ўмовы, выконваць хуткасныя рэжымы і правілы абгону. У абавязковым парадку прышпільвацца рамянямі бяспекі, а малалетніх дзяцей перавозіць у спецыяльных дзіцячых утрымваючых прыладах. Кіроўцам варта быць вельмі засяроджанымі пры праездзе слаба асветленых участкаў дарогі.
Сяргей РАСОЛЬКА
Прэв'ю: pexels.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
