Дзень народнага адзінства стане для беларусаў яшчэ адной нагодай ўсвядоміць агульнасць нашых думак і жаданняў, такое меркаванне выказала міністр працы і сацыяльнай абароны Ірына Касцевіч.
«Мы, беларусы, — гэта адно сэрца і адна сям’я. А значыць — адзіная краіна. Бясспрэчна, мы ўсе розныя, але нашы сэрцы б’юцца ў адным рытме. Таму ўсё, што мы робім, павінна ісці выключна на карысць родных, блізкіх, народа, а значыць — і ўсёй дзяржавы », — сказала Ірына Касцевіч.
Яна адзначыла, што аснову народнага адзінства нашы продкі закладвалі стагоддзямі. «На жаль, іх лёсы былі звязаны са страшнымі падзеямі: вайна, разруха, голад. Кожная беларуская сям’я ўнесла вялікі ўклад у наша мірнаеіжыццё. Яны змаглі перамагчы таму, што былі адзіныя. Зараз перад намі стаіць задача не толькі зберагчы тыя каштоўнасці, традыцыі і дасягненні, якія нам дасталіся ў спадчыну, але і прымножыць іх і перадаць нашым дзецям, унукам і праўнукам пад сцягам адзінства », — дадала міністр.
Да свята Міністэрства працы і сацыяльнай абароны запускае галіновую эстафету аб дзейнасці арганізацый ведамства «Адзінства ў нашых сэрцах», якая пройдзе з 17 верасня па 4 лістапада. Гэта магчымасць, з аднаго боку, распавесці пра асаблівасці працы сацыяльных устаноў, што рэалізуюцца ў іх праектах, абмяняцца навацыямі з калегамі. А з другога, наведвальнікі сацыяльных устаноў таксама змогуць падзяліцца меркаваннем пра паслугі, якія яны атрымліваюць у тэрытарыяльных цэнтрах, распавесці пра жыццё ў дамах-інтэрнтах. З гэтай мэтай установы сацыяльнага абслугоўвання створаць кароткія відэаролікі. Першымі, 17 верасня, аб сваім вопыце раскажуць арганізацыі Віцебскай вобласці.
Наталяя ТАЛІВІНСКАЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
