«Мінскэнерга» папярэдзіла аб магчымым з’яўленні паху мазуту ў сталіцы

РУП «Мінскэнерга» папярэджвае аб магчымым з’яўленні паху мазуту ў сталіцы з-за працаў на Мінскай ЦЭЦ-4, паведамляе РУП «Мінскэнерга».

«У сувязі з пачаткам ацяпляльнага перыяду плануецца папаўненне запасу мазуту на Мінскай ЦЭЦ-4. Прыносім выбачэнні жыхарам бліжэйшых да цеплаэлектрацэнтралі раёнаў сталіцы ў сувязі з магчымым з’яўленнем паху мазуту пры заходніх, паўднёва-заходніх і паўднёва-усходніх вятрах», — распавялі на прадпрыемстве.

У «Мінскэнерга» таксама адзначылі, што інфармацыя аб завяршэнні папаўнення вытворчых запасаў рэзервовым відам паліва будзе дадаткова размешчана на іх афіцыйным сайце.

Прэв'ю: pixabay.com