Вы тут

У Мінску найлепшым вучням сталіцы ўручылі 100 прэмій Мінгарсавета


Днямі ў Мінску найлепшым вучням сталіцы ўручылі 100 прэмій Мінскага гарадскога Савета дэпутатаў. Цырымонія прайшла ва ўрачыстай атмасферы ў гарадской ратушы.


Нягледзячы на юны ўзрост, а гэта навучэнцы 9—11-х класаў, лаўрэаты прэміі, можна сказаць, ужо адбыліся як асобы. Яны дасягнулі высокіх вынікаў у вучобе, ярка праявілі сябе ў інтэлектуальных спаборніцтвах на нацыянальных і міжнародных турнірах, конкурсах і алімпіядах, маюць творчыя і спартыўныя дасягненні.

Як юнакі і дзяўчаты становяцца пераможцамі? Спачатку найлепшых у кандыдаты на прэмію назвалі педагогі школ і гімназій, а затым іх прапановы разгледзела спецыяльная камісія гарадскога камітэта па адукацыі. Яна і выбрала 100 маладых людзей.

Але, як прызнаўся старшыня Мінгарсавета Андрэй Бугроў, сто прэмій — гэта сціплая для маштабаў дзвюхмільённай сталіцы лічба. У Мінску сёння больш за 200 школ і гімназій. І ў кожнай з іх ёсць вучні, вартыя высокай узнагароды гарадскога Савета. Таму яго дэпутаты зараз разглядаюць магчымасць павелічэння колькасці такіх прэмій, адзначыў суразмоўнік.

Мікалай ЛЮБЧАНСКІ

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».