Ірына Палякова, дэпутат Пастаяннай камісіі Палаты прадстаўнікоў Нацыянальнага сходу Рэспублікі Беларусь па аграрнай палітыцы:
— Калі заходнія землі цяперашняй Беларусі знаходзіліся пад кіраваннем польскай улады, у беларусаў не было перспектыў, бо ў выніку паланізацыі нашы продкі і адпаведна мы потым маглі страціць мову, культуру. Працэс уз'яднання, які адбыўся ў 1939 годзе, стаў выратаваннем для нацыі.
Для мяне новае свята, якое мы ўпершыню адзначылі сёлета, — Дзень народнага адзінства — вельмі важнае, таму што гэта напамін пра неабходнасць рабіць высновы з урокаў гісторыі. Ацэнка падзей мінулага — пасыл у будучыню.
Асабліва важна данесці праўдзівую інфармацыю для моладзі і тых, каму, на жаль, не зразумела, што трэба беражліва захоўваць тое, што маем. Трэба станавіцца плячо ў плячо, каб абараніць крохкі мір, незалежнасць, улічваючы сённяшні ціск палітычнага, эканамічнага характару на Беларусь з-за мяжы. Мы абавязаны разам супрацьстаяць знешняму ўмяшанню. Гэта магчыма, калі будзем рабіць усё па прынцыпах адзінства, салідарнасці, узаемнай дапамогі. Галоўнае — захаваць народ, гістарычныя каштоўнасці і традыцыі. Трэба зрабіць усё магчымае, каб адстаяць сваю любімую Беларусь.
Грамадзянам трэба навучыцца паважаць адно аднаго, бо адзінства і мае гэта на ўвазе. Штогод Беларусь робіць упэўненыя крокі наперад, каб быць утульнай для жыцця і прывабнай для гасцей, інвестараў.
Мэтай ва ўсіх нас адна: каб краіна станавілася яшчэ больш моцнай, незалежнай і квітнеючай!
Запісаў Аляксандр ПУКШАНСКІ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
