Нецвярозы кіроўца перакуліўся на каршэрынгавым аўто ў Мінску

Нецвярозы кіроўца перавярнуўся на каршэрынгавым аўтамабілі на вул. Пляханава ў Мінску, паведамляе БелТА са спасылкай на УДАІ ГУУС Мінгарвыканкама.

Аварыя адбылася сёння прыкладна ў 2.50. Паводле папярэдняй інфармацыі, 30-гадовы кіроўца на каршарынгавым «Шэўрале» не справіўся з кіраваннем, пратараніў раздзяляльную агароджу, і аўтамабіль перакуліўся.

У ДТЗ пацярпела пасажырка аўто. З траўмамі яе даставілі ва ўстанову аховы здароўя.

Праводзіцца праверка. Устаноўлена, што ў момант аварыі кіроўца быў у стане алкагольнага ап’янення. У яго арганізме выяўлена 1,5 праміле алкаголю.

Дзяржаўтаінспекцыя чарговы раз звярнула ўвагу: дарога і алкаголь несумяшчальныя. Супрацоўнікі ДАІ просяць паведамляць пра нецвярозых удзельнікаў дарожнага руху па тэлефоне 102.

Фота УДАІ ГУУС Мінгарвыканкама