Выставачны праект «Тулуз-Латрэк. Страсці ў «Мулен Руж» адкрыецца ў мастацкай галерэі Міхаіла Савіцкага 1 кастрычніка, паведамілі ва ўстанове культуры.
У экспазіцыі прадставяць больш за 50 каляровых літаграфій французскага мастака Анры Тулуз-Латрэка, атрыманых з прыватных еўрапейскіх калекцый. Сярод іх можна ўбачыць афішы легендарных парыжскіх устаноў, партрэты танцорак і артыстак кабарэ, замалёўкі. Як адзначаюць арганізатары, эпізоды з цыркавой серыі мастака дазволяць дакрануцца да атмасферы раскошнай і ціхамірнай пары, названай La Belle Epoque.
Экспазіцыю будуць суправаджаць інфармацыйныя стэнды, якія дапамогуць лепш зразумець прадстаўленыя працы. «Мы пакажам дакументальныя фільмы, якія пазнаёмяць з біяграфіяй і творчым шляхам французскага аўтара. Да таго ж кожны жадаючы зможа паспрабаваць прайсці тэматычны квэст», — дадалі арганізатары.
Прэв'ю: minskmuseum.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.