Вы тут

Выйшла новая кніга празаіка Алеся Кажадуба «Мігценне золата».


У Маскве выйшла новая кніга нашага земляка — празаіка Алеся КАЖАДУБА «Мігценне золата». 


Алесь Кажадуб нарадзіўся 27 верасня 1952 года ў Ганцавічах, на Берасцейшчыне. Жыў разам з бацькамі ў Навагрудку. Закончыў філалагічны факультэт Беларускага дзяржаўнага ўніверсітэта. Працаваў у Інстытуце мовазнаўства імя Якуба Акадэміі навук БССР, затым — на Беларускім тэлебачанні і ў рэдакцыі часопіса «Маладосць». Сваё першае апавяданне надрукаваў у 1976 годзе ў часопісе «Маладосць». У 1980 годзе выдаў першую кнігу прозы — «Гарадок». Затым — яшчэ тры кнігі: «Размова» (1985), «Лесавік» (1987), «Дарога на замчышча» (1990). Закончыў Вышэйшыя літаратурныя курсы ў Маскве. З 1990 года жыве і працуе ў Маскве. Піша на рускай і беларускай мовах. 

Новая кніга Алеся Кажадуба — аб’яднаныя пад адной вокладкай раманы «Мігценне золата» і «Дарога на Маскву». Зборнік пабачыў свет у маскоўскім выдавецтве «У Никитских ворот». Падзеі ў першым рамане разгортваюцца ў 1990-я гады ў Маскве, Мінску, Таліне, Франкфурце-на-Майне, у Махачкале. Лейтматывам твора можна лічыць наступныя словы аўтара: «Рускае жыццё без катастрофы — што вяселле без нявесты». «Дарога на Маскву» — раман-падарожжа. Чытача чакаюць сустрэчы з беларускім Палессем, іншымі роднымі мясцінамі аўтара. Сюжэты абодвух твораў уражваюць дынамічнасцю, проза Алеся Кажадуба вылучаецца лаканічнасцю і філіграннасцю

Наклад кнігі беларускага і рускага празаіка — 1000 экзэмпляраў. Нагадаем, што пісьменнік не забываецца пра сваю радзіму, даволі часта выступае ў беларускім літаратурна-мастацкім перыядычным друку. Выходзяць у Беларусі і асобныя кнігі Алеся Кажадуба. 

Сяргей ШЫЧКО

Выбар рэдакцыі

Палітыка

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Беларусь і Кітай адзначаюць адметную дату — 30-годдзе ўстанаўлення дыпламатычных адносін.

Грамадства

Дзе падпрацаваць пасля Новага года?

Дзе падпрацаваць пасля Новага года?

Псіхолагі раяць пачынаць не з маніторынгу рынку, а з некалькіх пытанняў самому сабе — каб вызначыцца з прыярытэтамі.

Грамадства

Уладзімір Мішчанчук: Марым аб брыльянтавым вяселлі

Уладзімір Мішчанчук: Марым аб брыльянтавым вяселлі

Уладзімір Мішчанчук — заслужаны артыст БССР, дэкан тэатральнага факультэта БДАМ, прафесар.

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.