Вы тут

Ігар Сергеенка: сапраўдны настаўнік дае не толькі веды, але і перадае свой прафесійны вопыт


Сапраўдны настаўнік дае не толькі веды, але і перадае свой прафесійны вопыт, заявіў кіраўнік Адміністрацыі Прэзідэнта Беларусі Ігар Сергеенка ў час урачыстага сходу і святочнага канцэрта, прысвечаных Дню настаўніка, у Палацы Рэспублікі, перадае БелТА.


«Я вітаю сёння ў гэтай зале ўсіх тых, хто працуе на ніве адукацыі: ветэранаў працы, якія доўгія гады свайго жыцця аддалі выхаванню пакаленняў, і маладых, якія ўступілі сёння ў прафесію настаўнікаў, выхавальнікаў, работнікаў дзіцячых садоў, школ, ліцэяў, гімназій, устаноў прафесійнай адукацыі, выкладчыкаў вышэйшых навучальных устаноў і ўсіх кіраўнікоў навучальных устаноў, якія прыехалі з розных куткоў нашай краіны, з розных абласцей. Вы прадстаўляеце сёння розныя калектывы, але вас аб’ядноўвае адно — любоў да прафесіі, якая стала прызваннем на ўсё жыццё. Прыміце самыя шчырыя і сардэчныя віншаванні з вашым прафесійным святам — Днём настаўніка. Сёння, знаходзячыся ў гэтай зале разам з вамі, успамінаюцца школьныя, студэнцкія гады — самыя цудоўныя, успамінаюцца настаўнікі, якія давалі пуцёўку ў жыццё», — сказаў Ігар Сергеенка.

Паводле яго слоў, сапраўдны настаўнік дае не толькі веды, але і перадае свой прафесійны вопыт. «Я ўпэўнены, што ў гэтай зале сабраліся менавіта такія людзі. Літаральна месяц таму на педагагічным савеце кіраўніком дзяржавы былі пастаўлены новыя, дастаткова складаныя, амбіцыйныя задачы перад сістэмай адукацыі, якія нам трэба будзе вырашаць разам з вамі. І я ўпэўнены, што вы гэтыя задачы вырашыце. Таму што ваша пазіцыя, стаўленне да справы, краіны правераны часам, у тым ліку і падзеямі мінулага года. І мы сёння ў сваю чаргу павінны быць упэўнены ў тым, што будучыня нашых дзяцей знаходзіцца ў надзейных руках, у руках сапраўдных педагогаў, настаўнікаў, адданых патрыётаў сваёй краіны», — адзначыў кіраўнік Адміністрацыі Прэзідэнта.

Ігар Сергеенка таксама зачытаў прывітанне Прэзідэнта.

Як адзначыла ў сваю чаргу настаўнік рускай мовы і літаратуры гімназіі нумар 10 горада Маладзечна Святлана Русальская, яна працуе ўжо амаль 10 гадоў і не было ні дня, каб яна расчаравалася ў той прафесіі, якую выбрала. «Таму што кожны дзень прыносіць нейкія новыя адкрыцці. З сучаснымі дзецьмі ўвесь час трэба рухацца наперад. Таму расцём разам з імі кожны дзень», — сказала яна.

Выхавальнік дашкольнай адукацыі Паліна Сарокіна ўпэўнена, што ў працэсе выхавання дзяцей самы актыўны ўдзел павінны прымаць бацькі. «Дзеці дашкольнага ўзросту па сваёй натуры даследчыкі, яны пастаянна хочуць даведацца пра нешта новае. І нам, выхавальнікам, важна гэта падтрымліваць, дапамагаць спазнаваць тое новае і цікавае, да чаго яны імкнуцца. З нашага боку вядзецца ўзаемадзеянне з бацькамі. Важна праводзіць розныя мерапрыемствы сумесна з бацькамі: экскурсіі, паходы ў бібліятэку, музычныя, спартыўныя мерапрыемствы. Гэта вельмі важна», — падкрэсліла Паліна Сарокіна.

Старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк нагадаў, што на асенняй сесіі дэпутаты разгледзяць у другім чытанні новую рэдакцыю Кодэкса аб адукацыі. «Важнейшы акцэнт кодэкса, што самае галоўнае — гэта выхаванне, сістэма каштоўнасцей — гэта тое, што стварае грамадзяніна і патрыёта. І таму ў нашым выпадку гэта не адарваны працэс ад жыцця, інтарэсаў нацыі і дзяржавы, а працэс, які будзе даваць магчымасць атрымліваць высокакваліфікаваныя кадры, якія разам з тым будуць разумець, што ў іх ёсць краіна, радзіма і адказнасць перад гэтай краінай. Вось гэта самае важнае і фундаментальнае», — канстатаваў парламентарый.

Фота БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».