Бараўляны трэба выдзяляць з Мінскага раёна, рабіць горадам. Аб гэтым Прэзідэнт Беларусі Аляксандр Лукашэнка заявіў сёння, размаўляючы з работнікамі Мінскай абласной клінічнай бальніцы, перадае БелТА.
«Трэба, каб мы на працягу бягучага і першай паловы наступнага года прынялі рашэнне адносна Бараўлян у цэлым. Трэба выдзяляць Бараўляны з Мінскага раёна, рабіць горадам. Адміністрацыйна з усімі вынікаючымі адсюль наступствамі. Гэта першараднае пытанне. Мы яго ўжо абмяркоўвалі», — заявіў кіраўнік дзяржавы.
Ён звярнуў увагу, што насельніцтва Бараўлян параўнальна ўжо з вялікімі раёнамі ў краіне. «Рэдкі раён. Гэта ўжо вялікія гарады. Таму трэба статус яму надаваць адпаведны. Як толькі парадак наведзяце, тады я прыму адпаведнае рашэнне. Нядрэнны гэты гарадок у вас, малайцы. Але ёсць над чым працаваць», — рэзюмаваў кіраўнік дзяржавы.
Фота БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
