У Гомельскай вобласці ў студзені-верасні гэтага года ў дарожна-транспартных здарэннях атрымалі траўмы 11 дзяцей-пасажыраў, паведамілі ва УДАІ УУС аблвыканкама.
Ва УДАІ са шкадаваннем канстатавалі, што сітуацыі, калі бацькі грэбуюць бяспекай уласнага малога, нярэдкія. «За 9 месяцаў гэтага года ў Гомельскай вобласці адбылося 11 дарожна-транспартных здарэнняў, у якіх траўмы атрымалі 11 маленькіх пасажыраў. Варта адзначыць, што ў 6 выпадках дзеці перавозіліся без утрымлівальных прылад, з-за чаго атрымалі дастаткова сур’ёзныя траўмы», — расказалі дзяржаўтаінспектары.
Каб скараціць колькасць такіх здарэнняў, з 27 па 31 кастрычніка ў Гомельскай вобласці праходзіць прафілактычная акцыя «Маленькі пасажыр — вялікая адказнасць».
Гэтымі днямі супрацоўнікі ДАІ правядуць інфармацыйна-тлумачальную работу па прафілактыцы дзіцячага дарожна-транспартнага траўматызму, адправяцца ў рэйды, каб выявіць і спыніць парушэнні правіл перавозкі непаўналетніх.
Ва УДАІ нагадалі: перавозіць дзяцей да 5 гадоў у легкавым аўтамабілі, абсталяваным рамянямі бяспекі, трэба ва ўтрымлівальных прыладах, якія адпавядаюць вазе і росту дзіцяці. Ад 5 да 12 гадоў — ва ўтрымлівальных прыладах або іншых сродках (бустэрах, спецыяльных падушках і г.д.), якія дазваляюць прышпіліць дзіця рамянямі бяспекі. Дапускаецца, каб дзіця да 12 гадоў ехала без утрымліваючага прыстасавання, калі яго рост больш як 150 см, а таксама ў аўтамабілі-таксі, удакладнілі інспектары. Забаронена перавозіць дзяцей да 12 гадоў на заднім сядзенні матацыкла і мапеда.
Прэв’ю: pexels.com
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».