Вы тут

Мінфін: самазанятыя атрымаюць больш магчымасцей для прадпрымальніцкай дзейнасці


Самазанятыя атрымаюць больш магчымасцей для прадпрымальніцкай дзейнасці ў адпаведнасці з новым праектам Падатковага кодэкса. Аб гэтым заявіў першы намеснік міністра фінансаў Дзмітрый Кійко ў час чарговага пасяджэння праекта «Экспертнае асяроддзе» ў прэс-цэнтры БелТА на тэму «Новы праект Падатковага кодэкса: якіх змяненняў чакаць беларусам».


Фота: БелТА

«Прадугледжваецца даць інстытуту самазанятых больш магчымасцей па ажыццяўленні простай індывідуальнай прадпрымальніцкай дзейнасці без выкарыстання наёмнай працы. Новы праект Падатковага кодэкса прадугледжвае такую трансфармацыю на працягу 2022-2023 гадоў. Плануем з 2023 года перайсці ад дазвольнага прынцыпу да заяўнага. Што гэта значыць? Калі сёння самазаняты ў нас можа займацца дакладна вызначанымі відамі дзейнасці, то з 2023 года — любымі, якія не забаронены. Асноўная стаўка прадугледжваецца ў памеры 10 працэнтаў ад выручкі», — сказаў Дзмітрый Кійко.

Паводле яго слоў, для самазанятых распрацоўваецца лічбавая платформа, якая дасць магчымасць выконваць усе неабходныя працэдуры — ад рэгістрацыі да спынення дзейнасці, выплаты падаткаў. Плануецца, што лічбавы прадукт дасць магчымасць самазанятым працаваць з выкарыстаннем безнаяўнай аплаты. «Устанавіўшы гэты дадатак, грамадзянін зможа працаваць са спажыўцамі і прымаць плацяжы, выдаваць чэкі, разлічваць і выплачваць падаткі, будаваць свае ўзаемаадносіны з падатковымі органамі і ФСАН, словам, выконваць свае абавязацельствы перад дзяржавай», — адзначыў першы намеснік міністра.

Самазанятыя змогуць праз дадатак працаваць і з арганізацыямі, але з пэўнымі абмежаваннямі. «Абмежаванні абумоўлены неабходнасцю перашкаджаць выкарыстанню самазанятых у якасці замены наёмных работнікаў. Таму для работы з арганізацыямі прапануецца ўстанавіць мяжу ў памеры Br60 тыс. у год. Пры перавышэнні гэтай мяжы самазаняты зможа прадаўжаць адносіны з арганізацыяй, проста для яго аўтаматычна будзе павялічвацца стаўка», — растлумачыў Дзмітрый Кійко.

Змяненні закрануць і індывідуальных прадпрымальнікаў. З 2023 года працаваць у якасці ІП можна будзе толькі па пэўных відах дзейнасці з прыцягненнем наёмных асоб не больш за тры чалавекі. Першы намеснік міністра адзначыў, што большасць ІП у Беларусі працуе без наёмнай працы, і яны патэнцыяльна могуць перайсці ў самазанятыя. А для тых, хто выкарыстоўвае наёмную працу і застанецца ў катэгорыі ІП, будуць скарэкціраваны ўмовы падаткаабкладання. З 2023 года для індывідуальных прадпрымальнікаў будзе ўстаноўлены адзіны рэжым падаткаабкладання з выплатай падаходнага падатку ад розніцы паміж даходамі і расходамі.

Альтэрнатыва гэтай форме — магчымасць пераходу ІП з наёмнымі работнікамі ў мікраарганізацыі. Для мікраарганізацый захоўваецца магчымасць прымянення спрошчанай сістэмы падаткаабкладання.

«На працягу 2022 года большасці індывідуальных прадпрымальнікаў трэба будзе прыняць рашэнне, у якім відзе яны змогуць або захочуць ажыццяўляць сваю дзейнасць. Або перайсці ў самазанятыя (там прадугледжана значнае спрашчэнне адміністрацыйных і іншых працэдур), або прадоўжыць сваю дзейнасць у якасці ІП (калі яны будуць адпавядаць пэўным відам дзейнасці), або перайсці ў мікраарганізацыю. Магу анансаваць, што рознічны гандаль у нас застанецца тым відам дзейнасці, якім індывідуальныя прадпрымальнікі могуць займацца і з 2023 года», — рэзюмаваў Дзмітрый Кійко.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».