У Мінску супрацоўнікі ДАІ затрымалі нецвярозую жанчыну за рулём аўтамабіля, паведамляе БелТА са спасылкай на УДАІ ГУУС Мінгарвыканкама.
«Напярэдадні ноччу супрацоўнікі аддзела ДАІ Маскоўскага РУУС Мінска, рухаючыся па вуліцы Гарэцкага, звярнулі ўвагу на аўтамабіль „Форд“. Запрыкмеціўшы экіпаж ДАІ, кіроўца легкавушкі стаў паскарацца. У раёне скрыжавання з вуліцай Шырмы ён быў спынены», — распавялі ў ведамстве.
За рулём знаходзілася 36-гадовая жанчына. Яе фізічны стан выклікаў падазрэнне ў міліцыянтаў, што пазней пацвердзіў вынік медыцынскага агляду — 1.93 праміле алкаголю ў арганізме. Аўтааматар пацвердзіла, што ўжывала спіртныя напоі.
На гэты момант у дачыненні да жанчыны складзены пратакол аб адміністрацыйным правапарушэнні. Ёй пагражае штраф у памеры 200 базавых велічынь з пазбаўленнем права кіравання транспартнымі сродкамі тэрмінам на пяць гадоў.
Транспартны сродак парушальніцы змешчаны на ахоўную стаянку.
Прэв’ю: pixabay.com
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».