Вы тут

Тамара Дудко — гісторыя заснавательніцы БСЖ


 

Ініцыятар і першая старшыня АА «Беларускі саюз жанчын» Тамара Мікалаеўна Дудко была адной з самых заўважных постацяў беларускага бізнесу і палітыкі сярэдзіны 1990-х гадоў.


Для беларускага дзелавога алімпу Тамара Дудко – з'ява ўнікальная. Дзяўчынка з глыбінкі, якая здолела даказаць сабе і іншым, што далікатнаму полу таксама скараюцца вяршыні бізнесу. Тыя, хто сутыкаўся з ёй па службе, на розных палітычных імпрэзах, у кабінетах выканкама Партызанскага раёна Мінска, які яна адзін час узначальвала, ці проста ў цёплай сяброўскай кампаніі, называлі Тамару Мікалаеўну асаблівай. Перадусім – за чуласць, дабрыню і жаданне дапамагчы людзям.

Дачка Тамары Мікалаеўны Надзея пераканана: мама не ўмела па-іншаму, у яе была вельмі выразнае ўяўленне пра дабро і зло, літасць, справядлівасць. «Яна з дзіцячых гадоў не ўяўляла сябе па-за грамадскім жыццём. Так яе выхавалі бацькі. Мама заўсёды імкнулася выйсці за рамкі працоўных будняў, прыўнесці ў калектыў часцінку душэўнага цяпла, людскасці. Адгукалася на просьбы пра дапамогу зусім незнаёмых людзей. І ніколі потым не губляла сувязі з тымі, каму зрабіла дабро. Яна ў кожным імкнулася разглядзець яго “я”. У яе быў зусім нетыповы для таго часу падыход да выхавання дзяцей. Нам з братам нічога не забаранялі. І нічому настойліва, паказальна не вучылі. Мама заўсёды казала: глядзі вакол, думай сам, бо гэта тваё жыццё! Яшчэ помню, яна любіла раіцца з намі, маленькімі. Таму што мы перш за ўсё для яе былі асобамі. А ўжо потам – любімымі дзецьмі...»

Яе лёс часта параўноўвалі з лёсам гераіні фільма «Масква слязам не верыць» Каці Ціхаміравай. Тамара Мікалаеўна не паказвала выгляду, але гэта параўнанне яе раздражняла. «Кожнаму свае радасці, свае беды, сваё жыццё», – любіла паўтараць яна. І шчыра лічыла, што толькі цяжкасці і выпрабаванні робяць чалавека Чалавекам.

Успамінае член кіраўніцтва ОО «БСЖ» Галіна Начоўкіна: «Яна актыўна займалася дабрачыннасцю. І вельмі блізка да сэрца прымала праблемы жанчын, асабліва адзінокіх. Па яе ініцыятыве з 1987 года пры кожным збегу абставін мы збіраліся 7 студзеня, на Каляды, у офісе БСЖ. Пілі чай, елкі торцікі і пірагі хатняга гатавання, казалі па шчырасці. Тыя, у каго не было мужа і дзяцей, ставіліся да такіх сустрэч як да абеду ў сямейным коле, чаканага і радаснага баўлення часу. Тамара Мікалаеўна паспявала пагутарыць з кожнай з нас. Яна вельмі любіла людзей. Пасля гутаркі з ёй мы ішлі з нейкім прылівам энергіі, з верай у тое, што ўсё будзе добра. Яна ўмела падарыць чалавеку надзею на светлае заўтра».

…1 студзеня 1999 года ў страшнай аўтамабільнай аварыі Тамара Мікалаеўна Дудко загінула разам з зяцем Валерам. За свае нядоўгія 53 гады яна шмат што паспела: была народным дэпутатам СССР, віцэ-спікерам Рады Рэспублікі Нацыянальнага сходу Беларусі, кіраўніком і галоўным акцыянерам ААТ «Піўзавод «Аліварыя».

Доўгі час Тамара Дудко таксама ўзначальвала Беларускі саюз жанчын. Пры яе актыўным удзеле ў 1996 годзе ў нашай краіне з'явіўся Дзень маці. Да ліку яе заслуг адносіцца адкрыццё ў краіне першага прытулку для жанчын, пацярпелых ад гвалту, стварэнне фондаў сацыяльнай падтрымкі жанчын і шмат іншых карысных ініцыятыў.

А яшчэ яна была шчаслівай мамай, бабуляй, сястрой. Пра яе былі напісаны сотні артыкулаў у розных газетах і часопісах, зняты дзясяткі тэлеперадач. Яна была не проста таленавітай – шматграннай. Немагчыма вылучыць нейкую адну рысу, толькі адну з адыграных ёю жыццёвых роляў, настолькі цэласны вобраз стварыла гэта дзіўная жанчына.

Друкуецца ў часопісе «Алеся»

Выбар рэдакцыі

Эканоміка

Змены ў падатковы кодыэкс. Хто заплаціць падатак на кватэру, а хто не?

Змены ў падатковы кодыэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.