Сёлета свой юбілей адсвяткавала народная артыстка Беларусі мастацкі кіраўнік Беларускага дзяржаўнага акадэмічнага заслужанага харэаграфічнага ансамбля «Харошкі» Валянціна Гаявая. Для прыхільнікаў знакамітага калектыву 14 лістапада ў эфіры сацыякультурнага тэлеканала пакажуць канцэрт «Ад смутку да вяселля», прымеркаваны да святочнай даты іх стваральніцы.
Аўдыторыю чакаюць прыгожы і эмацыянальны харэаграфічны спектакль са шчымлівымі, лірыка-драматычнымі нумарамі. У пастаноўцы выразна гучыць тэма трагічнага лёсу жанчыны падчас вайны... Аднак не абыдзецца і без свята, трыумфу кахання і светлай надзеі, што ўбачым у кампазіцыі «Беларускае вяселле» (яе складаюць гулліва-жартаўлівыя танцы-
сцэнкі).
А вось у другім аддзяленні канцэрта гледачам прадставяць найлепшыя фальклорныя нумары з залатога фонду рэпертуару ансамбля. Не згубіце магчымасць атрымаць задавальненне і ўбачыць увасабленне таленту вялікага майстра сцэны.
Алена ДРАПКО
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.