Вы тут

«Мінімалка» падвысіцца да 457 рублёў


Такі нарматыў мінімальнага ўзроўню аплаты працы адобраны на праведзеным днямі пасяджэнні Нацыянальнага савета па працоўных і сацыяльных пытаннях. Устанавіць яго прапануецца з 1 студзеня 2022 года, паведамілі ў прэс-службе ФПБ.


Як нагадалі ў нацыянальным прафцэнтры, з 15 лістапада змяніўся парадак ўстанаўлення мінімальнай заработнай платы. Раней гэты нарматыў зацвярджаўся ўрадам у прывязцы да мінімальнага спажывецкага бюджэту. Зараз дзейнічае іншы падыход:

— Памер месячнай мінімальнай заработнай платы павінен складаць не менш за 30 працэнтаў прагнознага значэння намінальнай налічанай сярэднямесячнай заработнай платы па рэспубліцы, вызначанай у прагнозе сацыяльна-эканамічнага развіцця краіны. Пры гэтым ён усталёўваецца Саветам Міністраў па прапанове Нацыянальнага савета па працоўных і сацыяльных пытаннях, — патлумачылі ў ФПБ.

Трэба сказаць, такі падыход дзейнічае ў многіх краінах.

Як было адзначана падчас пасяджэння Нацыянальнага савета пры ўсталяванні новага нарматыву тэмп росту памеру мінімальнай заработнай платы за студзень 2022 года да студзеня бягучага будзе складаць 114,3 працэнта. У абсалютных лічбах памер «мінімалкі» падвысіцца да 457 рублёў.

Дарэчы, паводле дадзеных міністэрства працы і сацыяльнай абароны, на 1 студзеня 2021 гэты памер месячнага мінімальнага заробку складаў 400 рублёў, у верасні (з улікам індэксацыі 6,3 працэнта) — 417, 86 рублёў.

У Нацыянальным прафцэнтры таксама адзначылі, што ў пераліку на валюту памер прапанаванай мінімальнай платы будзе супастаўны з усталяванымі нарматывамі ў суседніх краінах. Напрыклад, у Расіі гэта каля 175 долараў, Малдове — 170, Казахстане — толькі каля 100 долараў.

Вольга АЛЯКСАНДРАВА

Прэв’ю: pixabay.com

Выбар рэдакцыі

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы.