Вы тут

Еўразіма «па-беларуску». Якім сёлета будзе самы халодны сезон года? Прагноз ад Дзмітрыя Рабава


Да пачатку снежня рукой падаць, і, канешне, узнікае пытанне, якім будзе самы халодны сезон 2021-2022? Пра гэта і не толькі спецыяльна для газеты «Звязда» расказаў самы вядомы сіноптык Беларусі, вядучы праграмы «Метэагід» на тэлеканале АНТ Дзмітрый Рабаў. 


Восень бывай...

У адрозненне ад мінулага года, сёлета восень была не толькі самай цёплай за ўвесь перыяд метэаназіранняў, але і вельмі кантраснай па тэмпературы і разнастайнай па надвор’ю. Так, верасень выдаўся вельмі халодным і дажджлівым. У апошні раз ён быў такім аж у 2000 годзе. А вось кастрычнік у большасці дзён радаваў нас добрым надвор’ем: выдалася многа сонечных і сухіх дзён. У сярэднім выпала ўсяго 29% ад кліматычнай нормы. Лістапад таксама даў магчымасць атрымаць асалоду ад сапраўднага восеньскага надвор’я. 

На парозе еўразіма...

У адпаведнасці з прагнозам сусветных прагнастычных цэнтраў гэтай зімой на большай частцы Беларусі чакаецца перавага цыклонаў з характэрным пахмурным надвор’ем і ападкамі ў выглядзе снегу. 

Пры такім сцэнарыі атмасферных працэсаў сярэдні тэмпературны фон на працягу ўсяго сезона будзе на 1-1,5 градусы перавышаць кліматычную норму. Пры гэтым, калі снежань і люты прагназуюцца крыху цяплейшымі, чым звычайна, то студзень, як і належыць самаму халоднаму месяцу года, апынецца блізка да нормы. Гэта значыць, будзе самым марозным. Адначасова трэба разумець, што характар метэаўмоў чакаецца вельмі няўстойлівым, і ўмераныя маразы час ад часу будуць мяняцца на адлігу. 

Сярэдняя колькасць ападкаў чакаецца больш за кліматычную норму, якая звычайна складае ў сярэднім 115 мм. Часцей за ўсё ўзімку гэта снег, але пры адлігах ідуць дажджы і дажджы з мокрым снегам. Зіма — сезон складаны, таму трэба быць гатовымі і да небяспечных прыродных з’яў — снегападаў, моцнага ветру, мяцеліц, шэрані і галаледзіц. У цэлым сезон можна смела назваць еўразімой па-беларуску, снежнай і мяккай.

З гісторыі метэаназіранняў...

• Самая цёплая зіма за ўвесь перрыяд метэаназіранняў зафіксавана з 2019 на 2020 гг. Самая высокая тэмпература была зарэгістравана 18 снежня ў Драгічыне +12,8 градуса. У гэтым сезоне каляндарная восень незаўважна пераўтварылася ў вясну. Дарэчы, у мінулым стагоддзі самай цёплай адзначылася зіма з 1989 на 1990 гг. 

• Самая халодная зіма прыпала на сезон 1939-1940 гг. На поўначы Беларусі ў Талочыне слупкі тэрмометраў паказвалі мінус 42,2 градуса.

Восень-2021 паступова саступае дарогу зіме. Ці ўвойдзе надыходзячы сезон у гісторыю метэаназіранняў, пакажа час і раскажа Дзмітрый Рабаў. А пакуль самы вядомы сіноптык нашай краіны жадае чытачам «Звязды» берагчы сябе, апранаццца ў адпаведнасці з надвор’ем і каб ваш настрой не залежаў ад метэаўмоў! 

Кацярына ТУМАС-ЦІШКЕВІЧ

Фота: «ЗВЯЗДА»

Выбар рэдакцыі

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы.