Вы тут

Аляксандр Лукашэнка: Ні ў якім разе нельга зменшыць абароты


Прэзідэнт Беларусі Аляксандр Лукашэнка прыняў з дакладам намесніка прэм’ер-міністра Аляксандра Субоціна і міністра сельскай гаспадаркі і харчавання Івана Крупко. На парадку дня – сітуацыя ў аграпрамысловым комплексе.


Кіраўнік дзяржавы звярнуў увагу, што вынікі дзейнасці аграрна-прамысловага комплексу яшчэ неаднойчы будуць абмяркоўвацца. Цяпер варта засяродзіцца на будучыні. “Мяне больш за ўсё хвалюе будучая стратэгія, бягучая ўжо зразумелая: недапрацоўкі, добрае мы бачым. А вось будучыня… Мы з вамі неаднаразова абмяркоўвалі тактычныя і стратэгічныя пытанні», – адзначыў ён.

Па словах Прэзідэнта, стратэгія АПК адна – трэба хутчэй выходзіць на экспарт прадукцыі ў сем мільярдаў долараў. Асабліва гэта важна на фоне крызісу харчавання ў свеце. «Гэты крызіс толькі пагаршаецца, попыт на прадукты харчавання будзе расці і, натуральна, цэны на прадукты харчавання будуць расці. Вось гэта нашая стратэгія. І ні ў якім разе не зменшыць абароты», – упэўнены Аляксандр Лукашэнка. І адразу папярэдзіў, нельга забывацца, што свой рынак – гэта святое. Кіраўнік дзяржавы пацікавіўся, якія ў сувязі з гэтым ёсць розначытанні паміж сельскагаспадарчай галіной і гандлем, губернатарамі і мэрам Мінска. І даручыў забяспечыць напаўненне стабілізацыйных фондаў.

«Адны кажуць, трэба цяпер прадаць прадукцыю, пакуль кошты высокія. Іншыя кажуць пра тое, што трэба, каб стабілізацыйныя фонды былі сто працэнтаў», – сказаў кіраўнік дзяржавы. Ён папярэдзіў, што вытворцы і перапрацоўшчыкі, і гандаль адкажуць за цэнаўтварэнне на сельскагаспадарчую прадукцыю, на прадукты харчавання.

Людзі павінны быць апранутыя і накормленыя

Аляксандр Лукашэнка зрабіў акцэнт на тым, што галоўнае — каб людзі, якія маюць адносна невысокую заработную плату, маглі купіць прадукты харчавання: «Людзі павінны быць апрануты і накормлены. Я не кажу пра нейкія верталётныя грошы, пра тое, што мы будзем кагосьці апранаць. Чалавек павінен сам пра сябе паклапаціцца». Аднак, ён заўважыў, што і адказнасць дзяржавы тут ёсць. Інфляцыя, рост коштаў на прадукты харчавання (кантроль за гэтымі працэсамі. — Заўв. аўт) — гэта і задача ўрада ў цэлым.

Прэзідэнт звярнуў увагу на сярэднетэрміновыя задачы, сярод якіх – рамонт тэхнікі, асабліва энерганасычанай. «Мы ж не будзем за сялян рамантаваць усю тэхніку. А складаную тэхніку, энерганасычаную, трэба рамантаваць, дапамагчы ім па мінімальных коштах. Трэба вызначыцца, у якіх месцах нашы флагманы – МТЗ, Гомсельмаш, Амкадор – і іншыя дапамогуць аднавіць тэхніку на працягу зімы да вясны», – падкрэсліў ён.

Дзяржаўнай задачай Аляксандр Лукашэнка лічыць меліярацыю і павышэнне ўрадлівасці глебы. Звярнуў ён увагу і на сучасныя інавацыйныя гаспадаркі такога тыпу як малочнатаварны комплекс «Усце» Нацыянальнай акадэміі навук у Аршанскім раёне. Падобныя комплексы — гэта новы напрамак у раслінаводстве і жывёлагадоўлі.

«Мы дамовіліся, што вы паглядзіце, ці трэба нам гэта ўвогуле шырока ўкараняць і дзе мы будзем асвойваць гэтыя тэхналогіі. У сувязі з гэтым хацелася б, каб вы сказалі пра Віцебскую вобласць. Як там наш эксперымент, атрымаўся ці не. Ужо другі год працуем у гэтых умовах, ці атрымала Віцебская вобласць тое, чаго мы ад яе чакалі. І ў гэтыя месяцы мы пабудзем у такіх інтэграцыйных аб’яднаннях і паглядзім, як яны працуюць», — пацікавіўся Прэзідэнт.

Трэба карміць як мае быць

На парадак дня былі вынесены і іншыя канкрэтныя пытанні: лён, рапс, азімы ячмень і іншыя культуры, якія дазволяць у будучым годзе пачаць уборку ў чэрвені і скончыць яе крыху раней.

Кіраўнік дзяржавы заўважыў, што трэба годна правесці зімне-стойлавы перыяд. Гэта неабходна, каб атрымаць прадукцыю на тых кармах, якія ёсць, хоць і знізіўшы адну кармавую адзінку.

Проста трэба карміць як мае быць. Трэба арганізаваць утрыманне жывёлы так, каб на гэтых кармах атрымаць не менш прадукцыі, чым летась. Самае галоўнае — захаванасць жывёлы. Аб чым мы часта казалі — падзёж жывёлы. На якім узроўні знаходзімся да адпаведнага перыяду мінулага года, як мы выглядаем. Яшчэ раз хачу паўтарыць — гэтае пытанне найважнейшае з майго пункту гледжання. Тут трэба калёным жалезам выразаць усе недахопы", — канстатаваў ён.


Каментарый у тэму

Дэфіцыту не будзе - гэта аксіёма

Пасля даклада Прэзідэнту віцэ-прэм’ер Аляксандр Субоцін, які курыруе аграрна-прамысловы комплекс, адказаў на пытанні журналістаў.

Ён запэўніў, што дэфіцыту ў сельскагаспадарчай прадукцыі не будзе, гэта аксіёма. “Таму што мы вырабляем у шмат разоў больш, чым нам трэба. І таму што ў нас першае - гэта наша ўласная харчовая бяспека і ўнутраны рынак. Гэта канстанта, аксіёма», - падкрэсліў віцэ-прэм'ер.

Аляксандр Субоцін папярэдзіў, што росту цэн не пазбегнуць. І гэта звязана з сусветнай кан'юктурай, якая расце.  «Калі мы пачнем перакрываць, неяк душыць цэны на ўнутраным рынку, а цікавейшым будзе кошт у Расійскай Федэрацыі, людзі будуць там купляць тавар, і аўтобусамі, машынамі яго перавозіць. Ператок будзе ў любым выпадку», - растлумачыў ён. Тым больш растуць цэны на тавары, якія так ці інакш уплываюць на канчатковы кошт сельгаспрадукцыі, уключаючы ўгнаенні, некаторыя імпартныя камплектуючыя, запчасткі і многае іншае.

 «Усё аб'ектыўна расце. Таму мы не зможам дзесьці ўтрымаць кошт, не наносячы шкоды вытворцу. Але існуе вялікая колькасць механізмаў, якія нівеліруюць гэтыя скачкі. У тым ліку і адрасная падтрымка бедных слаёў насельніцтва, і недзе абмежаванне маржынальнасці, абмежаванне рэнтабельнасці гандлёвых сетак. Усе гэтыя механізмы вядомыя ва ўрадзе, мы іх актыўна выкарыстоўваем. І мы стараемся максімальна стрымліваць рост цэн», - адзначыў Аляксандр Субоцін.

Экспарт павялічваецца

Паколькі Беларусь не толькі забяспечвае сябе актуальнымі таварамі, але і пастаўляе вялікія аб'ёмы на экспарт, рост сусветных цэн на прадукты харчавання мае для Беларусі і адваротны, пазітыўны, бок. Аляксандр Субоцін разглядае даручэнне Прэзідэнта дасягнуць 7 мільярдаў экспарту, як напружаную задачу: «За 9 месяцаў гэтага года мы ўжо зрабілі 112, 6% (у адносінах да мінулага года). Гэта каля 4,7 млрд долараў. У гэтым годзе мы перавысім 6 млрд долараў. Ну а 7 мільярдаў – ужо як кан'юктура будзе складвацца.  Але мы пастараемся як мага хутчэй. Мы ідзем да гэтага».

Віцэ-прэм'ер адзначыў, што беларускія вытворцы нарошчаюць экспарт як за кошт павелічэння аб'ёмаў прадукцыі, якая пастаўляецца, так і, за кошт павышэння цэн. Аляксандр Субоцін лічыць, гэта аграрны сезон для Беларусі быў адным з самых цяжкіх у суверэннай гісторыі краіны. «Тым не менш, нягледзячы натое, што адбываецца вакол, нягледзячы на ​​палітычную, фінансавую нестабільнасць, скачкі цэн (энергія, угнаенні даражэюць ва ўсім свеце), мы пакрысе прыбаўляем", - сказаў ён.

2021 год склаўся нядрэнна

Міністр сельскай гаспадаркі і харчавання Іван Крупко падкрэсліў, што хоць 2021 год быў цяжкі праз умовы надвор'я, але склаўся нядрэнна і многія фінансава-эканамічныя паказчыкі выраслі.Паводле яго слоў, аб'ёмы вытворчасці прадукцыі ў раслінаводстве і жывёлагадоўлі на 100% забяспечваюць патрэбнасці ўнутранага рынку і загрузку перапрацоўчых прадпрыемстваў.

Экспарт прадукцыі аграпрамысловага комплексу за 9 месяцаў гэтага года склаў $4,7 млрд, што на 12,6% вышэй за ўзровень аналагічнага перыяду мінулага года. Выручка павялічылася на 14 працэнтаў, дасягнуўшы Br12,2 млрд. і забяспечыўшы рэнтабельную работу АПК на ўзроўні 6,3 працэнта (у мінулым годзе было на 0,6 працэнта менш). Сельскагаспадарчая галіна атрымала прыбытак у памеры Br778 млн. (плюс 24 працэнты да паказчыкаў за 9 месяцаў 2020 года). Міністр звярнуў увагу, што за кошт нядрэнных фінансава-эканамічных вынікаў удалося забяспечыць рост заработнай платы.

Іван Крупко расказаў, што 2020 год быў вельмі ўдалым для ўраджаю збожжавых, таму не варта параўноўваць кожны год з тымі высокімі паказчыкамі. І ў разрэзе пяцігодкі 2021 таксама быў удалым. «Калі браць аб'ём збожжа (каласавых і кукурузы) у сярэднім за пяцігодку, гэта 7,3 млн т, а за апошні год - 7,5 млн т. Гэта дае поўнае забеспячэнне дзяржзаказу на зерне і забеспячэнне грамадскай жывёлагадоўлі на ўзроўні 86 працэнтаў», - сказаў міністр.

Аграрыі ўжо зараз пачалі падрыхтоўку да наступнага сезона, каб у 2022 годзе павялічыць ураджай па шэрагу культур. Напрыклад, азімага ячменю пасеялі ў два разы больш - на плошчы 600 тыс. га, на 40 тысяч га павялічылі плошчу пасеву пшаніцы. У наступным годзе стаіць задача выйсці на ўраджай збожжа ў 8 млн т у свірнавай вазе (або 9,5 млн т у бункернай вазе), забяспечыць прырост вытворчасці малака і мяса на ўзроўні 104 працэнты, насыціўшы не толькі ўнутраны рынак, але і павялічыўшы экспартны патэнцыял. Акрамя таго, у гэтым годзе будуюцца або праходзяць рэканструкцыю каля 100 аб'ектаў АПК.

Валерыя СЦЯЦКО

Выбар рэдакцыі

Палітыка

Крызіс на мяжы. Уся аператыўная інфармацыя на панядзелак (абнаўляецца)

Крызіс на мяжы. Уся аператыўная інфармацыя на панядзелак (абнаўляецца)

Аператыўная інфармацыя з беларуска-польскай мяжы.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.