Вы тут

Чвэрць зарэгістраваных у студзені—кастрычніку беспрацоўных мелі дадатковыя гарантыі занятасці


За гэты перыяд 2021 года ў службу занятасці звярнуліся і былі зарэгістраваныя ў якасці беспрацоўных 12 649 грамадзян, якія маюць дадатковыя гарантыі занятасці, або 24,9 працэнта ад агульнай колькасці зарэгістраваных беспрацоўных.


Службы занятасці дапамаглі знайсці пастаянную работу 8489 такім грамадзянам. Сярод іх — 2858 беспрацоўных з ліку бацькоў шматдзетных і няпоўных сем'яў, 1606 інвалідаў, 1300 асоб, вызваленых з месцаў пазбаўлення волі, 983 чалавекі перадпенсійнага ўзросту, 950 вайскоўцаў, звольненых з ваеннай службы. Таксама першае месца работы змаглі атрымаць 599 маладых людзей ва ўзросце да 21 года, 94 асобы з ліку дзяцей-сірот і дзяцей, якія засталіся без апекі бацькоў. Пашанцавала працаўладкавацца і 58 ветэранам баявых дзеянняў, 36 грамадзянам, якія выехалі з тэрыторый радыеактыўнага забруджвання і 5 грамадзянам, звольненым з альтэрнатыўнай службы.

Дзяржава забяспечвае дадатковыя гарантыі ў галіне садзейнічання занятасці насельніцтва грамадзянам, якія маюць асаблівую патрэбу ў сацыяльнай абароне і няздольныя на роўных умовах канкурыраваць на рынку працы.

Прадастаўленне гарантый забяспечваецца праз устанаўленне наймальнікам броні для прыёму на работу, аказанне паслуг па прафесійнай арыентацыі, арганізацыю навучання па запатрабаваных на рынку працы прафесіях, адаптацыю інвалідаў да працоўнай дзейнасці.

Мерапрыемствы па аказанні садзейнічання ў працаўладкаванні беспрацоўным, якія маюць дадатковыя гарантыі занятасці, уключаны ў Дзяржаўную праграму «Рынак працы і садзейнічанне занятасці» на 2021 — 2025 гады, зацверджаную пастановай Савета Міністраў Рэспублікі Беларусь ад 30 снежня 2020 г. № 777.

Наталля ТАЛІВІНСКАЯ

Прэв’ю: pixabay.com

Загаловак у газеце: Дадатковыя гарантыі занятасці

Выбар рэдакцыі

Грамадства

Персанальныя даныя: ведаць нельга распаўсюджваць

Персанальныя даныя: ведаць нельга распаўсюджваць

Каму, калі, што, дзе і як можа давяраць пра сябе сучасны чалавек.

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.