Вы тут

У межах «Лістапада» праходзяць майстар-класы


Сустрэчы з замежнымі гасцямі кінафестывалю «Лістапад» працягваюцца. Чарговай пляцоўкай для абмену вопытам стаў Музей гісторыі беларускага кіно — 23 лістапада адбыліся майстар-класы ад расійскіх і грузінскіх экспертаў кінаіндустрыі. 


Першую лекцыю, прысвечаную пітчынгу дэбютных праектаў, прачытаў дырэктар Моладзевага цэнтра Саюза кінематаграфістаў Расіі Дзмітрый Якунін. На майстар-клас прыйшлі студэнты Акадэміі мастацтваў. Будучыя рэжысёры, аператары і сцэнарысты даведаліся, як прасунуць створаны фільм. 

Дзмітрый Якунін распавёў аб неабходных складніках поспеху: зразумелы сінопсіс, падрабязная прэзентацыя і вывераны фінансавы план. Акрамя гэтага дырэктар падзяліўся метадамі працы з маладымі кінематаграфістамі Расіі. Каб адшукаць новыя таленты, быў праведзены Усерасійскі маладзёжны кінафорум, які закрануў шмат гарадоў краіны. Такім чынам арганізатары жадалі перавесці фокус увагі з Масквы, дзе і так дастаткова студый. І сапраўды, новыя імёны знайшліся ў Якуціі і Кабардзіна-Балкарыі. 

Другая сустрэча адбылася з рэжысёрам, прадстаўніком «Грузія фільм» Хатунай Хундадзэ. На майстар-клас прыйшлі навучэнцы мінскай гімназіі. Школьнікам прадэманстравалі класіку грузінскай мультыплікацыі, а таксама распавялі гісторыю яе стварэння. Напрыклад, першая анімацыйная стужка была прысвечана чалавечку, які вылазіць з газетнага аркуша. 
Напрыканцы свайго выступлення Хатуна Хундадзэ адначыла:

— Я мяркую, што анімацыя і музыка не патрабуюць перакладу. Калі вы ўмееце маляваць — малюйце, стварайце сваіх герояў. І ў пэўны час гэтыя персанажы абавязкова ажывуць. 

Нагадаю, што ў межах «Лістапада» Музей гісторыі беларускага кіно прапануе яшчэ адзін праект. Выстава «Віктар Тураў. Подых жыцця» прысвечана 85-годдзю з дня нараджэння беларускага кінарэжысёра. Наведвальнікі ўбачаць эскізы дэкарацый і касцюмы, зробленыя мастакамі-пастаноўшчыкамі, а таксама кінаплакаты, фотаздымкі і тэматычную інсталяцыю. Азнаёміцца з экспазіцыяй можна будзе да 31 снежня. 

Арына КАРПОВІЧ

Фота аўтара

Выбар рэдакцыі

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы.