П’яны кіроўца ў Наваполацку пашкодзіў 5 прыпаркаваных аўто

У Наваполацку кіроўца Peugeot пашкодзіў пяць аўтамабіляў, паведамілі ва УДАІ УУС Віцебскага аблвыканкама, перадае БелТА.

Інцыдэнт адбыўся ноччу 28 лістапада. П’яны кіроўца 1993 года нараджэння рухаўся на небяспечнай хуткасці, не ўлічыў дарожныя і ўмовы надвор’я і сутыкнуўся з прыпаркаванымі аўтамабілямі. Кіроўца легкавіка не пацярпеў.

Дзяржаўтаінспекцыя Віцебскай вобласці заклікае відавочцаў паведамляць пра нецвярозых удзельнікаў дарожнага руху ў міліцыю. Званок можа выратаваць чыёсьці жыццё.

Прэв’ю: pexels.com