Вы тут

«Амікрон» пачаў свой шлях па планеце


У беларускіх вірусолагаў ёсць усе магчымасці для выяўлення новага варыянта каранавіруса «Амікрон». Пра гэта паведамілі ў прэс-службе Міністэрства аховы здароўя.


— Беларускія эксперты-вірусолагі, якія працуюць з рознымі штамамі вірусаў у РНПЦ эпідэміялогіі і мікрабіялогіі, забяспечаны ўсім неабходным абсталяваннем для пошуку новага варыянта. Цяпер ідзе праверка біяматэрыялаў ад пацыентаў, якія прыбылі з-за мяжы, з мэтай павышэння верагоднасці выяўлення «Амікрона», — расказалі ў міністэрстве.

Нагадаем, прадстаўнікі Сусветнай арганізацыі аховы здароўя паведамілі, што новы варыянт каранавіруса быў знойдзены на поўдні Афрыкі і атрымаў назву «Амікрон». Упершыню ён зарэгістраваны 24 лістапада. Ужо з’явіліся даныя аб яго выяўленні ў шэрагу краін Еўропы, у тым ліку ў Германіі, Чэхіі, Бельгіі, Аўстрыі і Італіі.

На пасяджэнні ў пятніцу эксперты рэкамендавалі СААЗ уключыць варыянт «Амікрон» — B.1.529 у групу «варыянтаў, якія выклікаюць занепакоенасць». Да гэтай групы раней былі аднесены штамы — «Альфа», «Бэта», «Гама» і «Дэльта». Раней СААЗ папярэджваў, што новая версія каранавіруса можа быць больш заразная, асабліва сярод маладых людзей. Сярод яе галоўных сімптомаў — моцная стомленасць і ламота ў целе. А вось на страту нюху і смаку хворыя скардзяцца радзей.

Спецыялісты СААЗ таксама адзначылі, што наяўныя сёння вакцыны здольныя абараніць ад цяжкага ходу хваробы і смяротнага зыходу нават пры заражэнні новым штамам.

Выбар рэдакцыі

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.

Грамадства

Што вылучае Іўе сярод іншых беларускіх гарадоў  і якая трагедыя дагэтуль у памяці яго жыхароў?

Што вылучае Іўе сярод іншых беларускіх гарадоў і якая трагедыя дагэтуль у памяці яго жыхароў?

Са старажытных часоў Іўеўшчына адметная сваёй шматнацыянальнасцю. 

Грамадства

Што акрамя цэркваў і замкаў паглядзець на Гарадзеншчыне?

Што акрамя цэркваў і замкаў паглядзець на Гарадзеншчыне?

Музей, валуноў, вавёркі, вадзянога млына і не толькі.