Захворванне ВІЧ-інфекцыяй у Брэсцкай вобласці знізілася на 18%

У Брэсцкай вобласці ў студзені-кастрычніку гэтага года захворванне вірусам імунадэфіцыту чалавека знізілася на 18% у параўнанні з такім жа перыядам 2020-га, паведамляе БелТА са спасылкай на абласны цэнтр гігіены, эпідэміялогіі і грамадскага здароўя.

У вобласці за дзесяць месяцаў ВІЧ-пазітыўны статус пацверджаны ў 86 чалавек. За такі ж перыяд у мінулым годзе было выяўлена 105 выпадкаў. Часцей за ўсё заражэнне адбываецца палавым шляхам (64%), у траціне выпадкаў — пры ін’екцыйным увядзенні наркотыкаў.

«Ранняе выяўленне і своечасова прызначаны лячэнне — дзейсная мера ў барацьбе з захворваннем. У Брэсцкай вобласці антырэтравірусную тэрапію атрымліваюць 1476 з 1724 чалавек, якія ведаюць пра свой статус. Даступнае і якаснае лячэнне дазваляе ВІЧ-станоўчым людзям весці нармальнае жыццё, нараджаць здаровых дзяцей і не баяцца распаўсюджвання віруса», — падкрэслілі ў абласным цэнтры гігіены, эпідэміялогіі і грамадскага здароўя.

Прайсці добраахвотнае тэставанне на ВІЧ-інфекцыю (у тым ліку ананімнае) можна ў любой лячэбнай установе, дзе ёсць працэдурны кабінет. Акрамя таго, у аптэках прадаюцца наборы для экспрэс-аналізу на ВІЧ па сліне. Напрыклад, у аптэчнай сеткі Брэсцкага РУП «Фармацыя» за 10 месяцаў прадалі 363 такіх тэсту.

Брэсцкая вобласць займае актыўную пазіцыю ў дасягненні да заканчэння 2025 года глабальнай мэты ААН «95-95-95». Такі працэнт людзей з ВІЧ павінен ведаць свой статус, атрымліваць антырэтравірусную тэрапію, а ў людзей, якія атрымліваюць лячэнне, павінна быць дасягнута невызначальная вірусная нагрузка.

Прэв’ю: pexels.com