Вы тут

Чарга 16 км, страты грошай для перавозчыкаў і падаражанне тавараў


Ад шматдзённых прастояў на мяжы страчваюць грошы не толькі вадзіцелі і перавозчыкі. Сарваныя тэрміны даставак могуць непрыемна адбіцца і на простых людзях — спажыўцах тавараў. Такое меркаванне БелТА выказалі вадзіцелі-дальнабойшчыкі, якія захраснулі ў шматдзённых чэргах на граніцы Беларусі з Еўрасаюзам.


Фота: БелТА

У пунктах пропуску на мяжы з ЕС працягваюць запасіцца чэргі. У адрозненне ад Беларусі сумежныя бакі не выконваюць поўнасцю дамоўленасці па пропуску грузавікоў. Пагоршыла сітуацыю і закрыццё ў аднабаковым парадку пункта пропуску «Кузніца Беластоцкая» (з беларускага боку «Брузгі») польскім бокам з 9 лістапада.

Частка транспарту адтуль перамясцілася ў пункт пропуску «Бераставіца», які знаходзіцца за 60 км на поўдзень. Цяпер там у чарзе больш за 600 грузавікоў. Апошні грузавік у чарзе днём 1 снежня стаяў на мяжы Бераставіцкага і Ваўкавыскага раёнаў — за 16 км ад уезду ў пункт пропуску.

«Нават не ўяўляю, колькі трэба будзе стаяць», — кажа адзін з кіроўцаў у канцы чаргі. На ягонай памяці такіх чэргаў на гэтай мяжы яшчэ не было.

«Стаю ўжо больш за суткі. Прасунуўся на пару кіламетраў. Складана, вядома, марнаваць час на чаканне», — кажа малады кіроўца фуры. У яго груз беларускага шкла для польскага кліента. Раней, кажа, за тыдзень мог зрабіць два рэйсы. Цяпер не паспее і адно кола зрабіць. «І хто ад гэтага выйграе?» — задае ён рытарычнае пытанне.

Яшчэ двое вадзіцеляў правялі ў чарзе двое сутак. Цікавяцца ў журналістаў, калі вырашыцца сітуацыя. «Слухайце, навіны чытаем, ведаем і аб праблеме з бежанцамі. Трэба ж нешта рабіць. Ды і мы самі аказаліся не ў лепшай сітуацыі. Умоў для камфортнага чакання праезду не так ужо і шмат», — расказвае яшчэ адзін вадзіцель вялікагруза з польскімі нумарамі. Гаворыць, зусім без увагі дальнабойшчыкаў не пакінулі. На адным з паркінгаў, напрыклад, паставілі біяпрыбіральню. Зарыентаваўся і мясцовы бізнес, арганізаваў дастаўку гарачай ежы. Кошт абеду — Br10. «Нядрэнныя (абеды. — Заўвага БелТА)», — дзеліцца вадзіцель.

«Мы тут з суботы стаім. Доўга гэта? Лічыце самі. Раней я за месяц з Расіі ці Беларусі мог зрабіць два рэйсы ў Еўропу, а потым тыдзень адпачыць дома. Цяпер я гэты тыдзень правёў у чарзе. Спадзяюся, за сёння праеду», — кажа кіроўца фуры, якая стаіць за некалькі сотняў метраў ад уезду ў пункт пропуску.

«Справа ж не толькі ў вялікай колькасці транспарту. Да нашых службаў няма пытанняў, афармляюць хутка, а на польскім баку можна завіснуць. Бывае, адправяць цябе да нейкага акенца ноччу, стаіш гадзіну, дзве, тры, а супрацоўніка няма. Усё на нервах, збіраецца чарга, а ён выходзіць заспаны. Пачынае гэты працаваць, яго калега сыходзіць адпачываць», — расказваюць вадзіцелі.

«Я ваджу запчасткі для зборкі аўто з Еўропы ў Расію. З-за гэтых прастояў зрываюцца ўсе тэрміны паставак, а гэта цягне за сабой перабоі на зборцы. Потым адаб’ецца на кошце канчатковага прадукта. Пацерпяць, у першую чаргу, пакупнікі», — распавядае яшчэ адзін кіроўца.

«І справа не толькі, напрыклад, у аўтамабілях. Страчваем мы ў гэтых чэргах не толькі час. Пакуль машына стаіць, вадзіцель шмат не запрацуе, нясе страты і перавозчык. Мы, магчыма, кампенсуем страты. Кошт фрахтаў у Еўропе зараз расце. Але гэта значыць, што следам за павелічэннем кошту дастаўкі падаражэюць і тавары», — распавядае яшчэ адзін кіроўца. Ён звяртае ўвагу на тое, што ў чарзе стаяць машыны з розных краін, з рознымі грузамі, але ўсе сутыкаюцца з аднымі праблемамі. Вырашаць іх, упэўнены мужчына, неабходна як мага хутчэй. Бліжэй да новага года інтэнсіўнасць перавозак узрастае, а значыць, і праблемы з чэргамі могуць узмацніцца.

У Дзяржпагранкамітэце адзначылі, што беларускі бок афармляе грузавы транспарт без затрымак на ўсіх напрамках. Еўрапейскія ж пункты пропуску на граніцы з Беларуссю за суткі выканалі дамоўленасці па пропуску грузавікоў усяго на 75 працэнтаў.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».