Новае навуковае падраздзяленне арганізавана ў Інстытуце генетыкі і цыталогіі НАН Беларусі і ўжо задзейнічана ў выкананні шэрага ўнікальных праектаў. Адзін з іх — «Роля мікрабіёму ў рэалізацыі асаблівасцяў геному доўгажыхароў Беларусі».
Супрацоўнікі Цэнтра былі прыцягнуты для аказання кансультацый у выпадку цяжкага цячэння захворвання неўстаноўленай этыялогіі. Упершыню ў Беларусі было выканана паралельнае вывучэнне поўнага экзому пацыенткі і мікрабіёму. Цяпер такі аналіз магчымы толькі ў Інстытуце генетыкі і цыталогіі НАН Беларусі. Праведзенае даследаванне дазволіла скарэктаваць хірургічнае і медыкаментознае лячэнне і дасягнуць поспеху.
Адкрыццё цэнтра адбудзецца ў рамках правядзення 7 снежня Міжнароднай канферэнцыі «Пераўтварэнне геномаў. Х Жэбракаўскія чытанні — 2021» . Мерапрыемства традыцыйна арганізуецца ў фармаце лекцый вядомых вучоных і прысвячаецца адной з актуальных тэм сучаснай навукі.
«Што такое мікрабіём?» Гэтаму пытанню будуць прысвечаны дзве лекцыі вядомых вучоных: Аляксандра Суворава, доктара медыцынскіх навук, прафесара, члена-карэспандэнта РАН (Інстытут эксперыментальнай медыцыны, Расія) і Валерыя Даніленкі, доктара біялагічных навук, прафесара (Інстытут агульнай генетыкі, Расія).
Мікрабіём — унікальная супольнасць мікраарганізмаў, якія засяляюць канкрэтнае асяроддзе — тканкі і органы жывых арганізмаў, глебу, водныя экасістэмы і г. д. Склад мікрабіёму ў значнай ступені звязаны з генетычнымі характарыстыкамі арганізма-гаспадара, можа змяняцца пад уздзеяннем харчовых кампанентаў і медыкаментаў. Мікрабіёту чалавека складаюць 100 трыльёнаў сімбіятычных мікробаў. 95 % мікрабіёты знаходзяцца ў чалавека ў страўнікава-кішачным тракце, агульная паверхня якога мае памер двух тэнісных кортаў. Маса мікрабіёты можа дасягаць двух кілаграм. У целе чалавека ўласных клетак у 1,3 разы менш, чым клетак мікробаў. Лічыцца, што 90 % хвароб чалавека могуць быць тым ці іншым чынам звязаны з кішачнікам і «здароўем мікрабіёмы», таму веданне асноўных механізмаў узаемадзеяння геному чалавека і яго мікрабіёма стварае вялікі патэнцыял для распрацоўкі персаналізаваных дыет і стварэння новых тэрапеўтычных агентаў.
Надзея НІКАЛАЕВА
Прэв’ю: pexels.com
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.