Мінчанка пераводзіла праз інтэрнэт-банкінг грошы дачкі і пазбавілася сродкаў

Мінчанка хацела перавесці праз інтэрнет-банкінг грошы на рахунак дачкі і пазбавілася сродкаў, паведамілі у ДУУС Мінгарвыканкама.

У Партызанскае РУУС сталіцы звярнулася 56-гадовая мінчанка, якая стала ахвярай кібермахляроў. «Жанчына хацела праз інтэрнэт-банкінг ажыццявіць перавод грашовых сродкаў для дачкі. Па спасылцы ў браўзэры яна зайшла на сайт, які па афармленні і дызайне быў падобны на афіцыйную старонку банка, у якім яна абслугоўваецца. Сістэма завісла пасля таго, як мінчанка ўвяла лагін і пароль. Праз некаторы час пацярпелая выявіла, што з рахунку яе банкаўскай карты выкрадзена Br250», — распавялі ў ДУУС.

Высветлілася, што першапачаткова жанчына па спасылцы перайшла на фішынгавы сайт, дзе яе лагін і пароль пасля ўводу апынуліся ў распараджэнні ашуканцаў.

Аператыўнікі ўстанавілі, што па аналагічнай схеме было выкрадзена больш за Br36 тыс. яшчэ ў пяці жыхароў сталіцы. Усе выкрадзеныя грашовыя сродкі былі пералічаны на адзін карт-рахунак.

Распачата крымінальная справа па факце крадзяжу маёмасці шляхам мадыфікацыі камп’ютарнай інфармацыі.

Прэв’ю: pixabay.com