Далучыцца да акцыі можна з дапамогай чароўнай «ёлкі жаданняў», якая традыцыйна ў гэтыя пераднавагоднія дні з’яўляецца ў магілёўскім універмагу «Цэнтральны.»
На ёй знаходзяцца паштоўкі з навагоднімі жаданнямі дзяцей, а побач стаіць скрыня, куды складваць падарункі. Cарыентаваць дабрадзеяў змогуць валанцёры руху «Добрае сэрца», які дзяжураць каля ёлкі з 6 па 30 снежня з 15.00 да 18.00 штодня акрамя выхадных і святочных дзён.
— Сёлета мы збіраемся выканаць навагоднія жаданні навучэнцаў з Цэнтраў карэкцыйна-развіваючага навучання і рэабілітацыі Бабруйска, Глуска і Асіповічаў, — падзялілася галоўны спецыяліст абкама БРСМ Анжаліка Яўных. — Акрамя гэтага частка сабраных падарункаў будзе перададзена шматдзетнай сям’і Ціханавых са Слаўгарада і дому сямейнага тыпу з Бабруйскага раёна (сям’і Рак). З дапамогай жыхароў вобласці мы зможам выканаць навагоднія жаданні больш за 50 дзяцей.
Нэлі ЗІГУЛЯ
Прэв’ю: pexels.com
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
