Як паведамілі ў прэс-службе Дзяржстандарта, тэхнічны рэгламент Еўразійскага эканамічнага саюза «Аб бяспечнасці дзіцячых гульнявых пляцовак» (ТР ЕАЭС 042/2017) устанаўлівае патрабаванні да бяспекі абсталявання і (або) пакрыцця для дзіцячых гульнявых пляцовак і звязаных з імі працэсаў праектавання, вытворчасці, мантажу, эксплуатацыі, захоўвання, перавозкі і ўтылізацыі. Дакумент уступіў у сілу 18 лістапада 2018 года, а 1 снежня скончыўся тэрмін для пераходу на яго патрабаванні.
Тэхрэгламент распаўсюджваецца на горкі, арэлі, качалкі, каруселі, канатныя дарогі, ударапаглынальныя пакрыцці, а таксама дзіцячыя мястэчкі (гульнявыя комплексы), пясочніцы, гульнявыя домікі, лабірынты, размешчаныя на адкрытых тэрыторыях або ў закрытых памяшканнях.
Тэхрэгламент не распаўсюджваецца на абсталяванне і пакрыцці для дзіцячых гульнявых пляцовак, вырабленыя і ўведзеныя ў эксплуатацыю раней, чым уступіў у сілу тэхнічны рэгламент; цацкі; спартыўнае абсталяванне і вырабы, прызначаныя для трэніровак і заняткаў фізічнай культурай, спортам і турызмам; атракцыёны, на якія распаўсюджваецца дзеянне тэхрэгламенту «Аб бяспечнасці атракцыёнаў».
Абсталяванне і (або) пакрыцці дзіцячых гульнявых пляцовак, якія ўпершыню выпускаюцца ў абарот на тэрыторыі ЕАЭС з 1 снежня 2021 года, падлягаюць абавязковаму пацвярджэнню адпаведнасці патрабаванням названаму тэхнічнаму рэгламенту.
Горкі, арэлі, качалкі, каруселі, канатныя дарогі, дзіцячыя гарадкі (гульнявыя комплексы), ударапаглынальныя гумавыя і сінтэтычныя пакрыцці падлягаюць сертыфікацыі. Пясочніцы, гульнявыя домікі, лабірынты, а таксама ўдарапаглынальныя пакрыцці: пясчаныя, гравійныя, дзярновыя і з драблёнай драўніны — дэклараванню адпаведнасці.
Пасля выпуску ў абарот абсталявання і (або) пакрыцця на працягу іх прызначанага тэрміну службы ажыццяўляецца ацэнка тэхнічнага стану (тэхнічнага агляду).
Дарэчы, на кожнай пляцоўцы павінен быць устаноўлены інфармацыйны стэнд з рэкамендацыямі вытворцы па правілах эксплуатацыі абсталявання (з указаннем пераліку абсталявання, правілаў эксплуатацыі, узроставай групы ды іншага); тэлефонаў выкліку экстранных службаў; тэлефонаў абслуговай арганізацыі.
Таксама неабходна своечасова ажыццяўляць дэмантаж і ўтылізацыю абсталявання, якое не адпавядае патрабаванням бяспекі і (або) са скончаным тэрмінам службы.
Падрабязна азнаёміцца з ТР ЕАЭС 042/2017 можна на сайтах Еўразійскай эканамічнай камісіі і Дзяржстандарта.
Дар'я ГАСЦІЛОВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.