Вы тут

Разгледжана звыш 1300 заяў на атрыманне беларускага грамадзянства


Дэпартамент па грамадзянстве і міграцыі Міністэрства ўнтраных спраў з сярэдзіны жніўня прыняў на разгляд звыш 1,3 тысячы заяў ад іншаземцаў на атрыманне беларускага грамадзянства, паведамілі ў МУС.


Падчас «Вялікай размовы» кіраўнік дзяржавы Аляксандр Лукашэнка даручыў да канца бягучага года прапрацаваць пытанне аб прадастаўленні грамадзянства Беларусі замежным грамадзянам, якія пражываюць і ажыццяўляюць працоўную дзейнасць на тэрыторыі нашай краіны. «Прэзідэнт даручыў спрасціць працэдуру натуралізацыі гэтай катэгорыі асоб і ў паскораным парадку разгледзець адпаведныя хадайніцтвы замежных грамадзян, якія пажадалі інтэгравацца ў беларускае грамадства», — адзначыў начальнік Дэпартамента па грамадзянстве і міграцыі МУС Аляксей Бягун.

Пачынаючы з сярэдзіны жніўня, супрацоўнікі падраздзяленняў па грамадзянстве і міграцыі органаў унутраных спраў правялі каля 4 тыс. кансультацый і прынялі да разгляду 1322 заявы ад замежных грамадзян аб атрыманні грамадзянства нашай краіны.

Па выніках разгляду зваротаў беларускае грамадзянства атрымала больш за 1,2 тысячы чалавек, якія прыбылі з Украіны. З іх указамі Прэзідэнта прынята ў грамадзянства Рэспублікі Беларусь 796 асоб, а ў рамках выканання даручэння кіраўніка дзяржавы органы ўнутраных спраў аформілі рашэнні аб прадастаўленні беларускага грамадзянства 485 грамадзянам Украіны. «Гэта законапаслухмяныя сем'і, якія працаўладкаваны, вядуць добрапрыстойны лад жыцця, працуюць на карысць краіны і ўжо ўліліся ў наша грамадства», — падкрэсліў Аляксей Бягун.

У дэпартаменце звярнулі ўвагу, што работа па выкананні даручэння Прэзідэнта прадаўжаецца.

Пётр ДУНЬКО

Прэв’ю: pixabay.com

Выбар рэдакцыі

Грамадства

Персанальныя даныя: ведаць нельга распаўсюджваць

Персанальныя даныя: ведаць нельга распаўсюджваць

Каму, калі, што, дзе і як можа давяраць пра сябе сучасны чалавек.

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.