Вы тут

Піневіч: Амікрон-штам каранавіруса ў Беларусі пакуль не выяўлены


Шпіталізацыя з ковід-пнеўманіямі ў Беларусі сёння складае 30 % ад піка хвалі, да канца гэтага года плануецца вакцынаваць палову насельніцтва, а штам «Амікрон» у краіне пакуль не выяўлены. Пра гэта расказаў міністр аховы здароўя Дзмітрый Піневіч, які ўзяў удзел у пасяджэнні сумеснай калегіі міністэрстваў аховы здароўя Расіі і Беларусі ў Маскве.


Фота: pixabay.com

Дзмітрый Піневіч таксама расказаў, што ў рамках Саюзнай дзяржавы абмяркоўваецца пытанне стварэння агульнай базы вакцынаваных грамадзян Беларусі і Расіі, паведамляе прэс-служба Міністэрства аховы здароўя Беларусі.

Пытанне абмяркоўваецца на базе Саюзнай дзяржавы і на базе ЕАЭС. Гаворачы аб магчымасці стварэння агульнай базы вакцынаваных беларусаў і расіян, міністр адзначыў, што першы крок у такім напрамку ўжо зроблены — гэта ўкараненне ўзаемнага прызнання тэсціравання ў дадатку «Падарожнічаю без COVІD-19». Другі этап — прызнанне сертыфікатаў і трэці — агульная база абмену даных.

Вытворчасць вакцыны «Спадарожнік V» плануецца цалкам лакалізаваць у Беларусі ў наступным годзе. Цяпер ідуць перагаворы з вытворцамі іншых расійскіх вакцын аб арганізацыі іх вытворчасці на беларускіх прадпрыемствах.

Што датычыцца выяўлення новых штамаў, то сістэма аховы здароўя павінна быць гатовая да любога развіцця падзей, падкрэсліў Дзмітрый Піневіч,

— Так, мы рыхтуемся, безумоўна, але мы не чакаем якіх-небудзь значных змяненняў у эпідэмічнай абстаноўцы, — дадаў ён. — На сёння амікрон-штам каранавіруса ў Беларусі пакуль не выяўлены. Мы яго шукаем усімі ўзмоцненымі спосабамі. Мы бачым з адкрытых крыніц, што гэты штам выклікае захворванне не цяжэйшае, чым штам «Дэльта». Ён распаўсюджваецца хутчэй, кажучы простай мовай, але пры гэтым цяжар захворвання не вышэйшы, чым ад дэльта-віруса. Пра гэта кажуць даследаванні.

Міністр адзначыў, што агульны імунітэт дасягаецца як за кошт вакцынацыі, так і за кошт імунітэту тых, хто перахварэў:

— Тое, што хваля пайшла ўніз, сведчыць, што агульны імунітэт на дадзены момант спрацаваў. Ахоп вакцынацыі першым кампанентам ужо перавышае 40 працэнтаў. Я думаю, што да канца гэтага года будзе 50 %. Узровень захваральнасці, шпіталізацыі з пнеўманіямі ў нас цяпер складае менш за 30 % ад хвалі, якая была. Таму масава ўстановы перапрафілююцца назад — на аказанне той медыцынскай дапамогі, для якой гэтыя ўстановы былі прызначаны.

Пры гэтым Дзмітрый Піневіч асабліва падкрэсліў той факт, што ў Беларусі падчас пандэміі аказанне планавай медыцынскай дапамогі не спынялася. І распавёў, што нароўні з імунізацыяй супраць CОVІD-19 сістэму аховы здароўя хвалюе кампанія па вакцынацыі супраць грыпу. Паводле яго слоў, бягучы ўзровень ахопу прышчэпкамі супраць грыпу набліжаецца да 30 %. Ён дадаў, што цяпер у Беларусі фіксуюцца выпадкі захворвання на грып тыпу А.

Алена КРАВЕЦ

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.