Нагадаем, што 13 снежня рашэннем кіраўніка дзяржавы Анатоль Ісачанка быў прызначаны на пасаду старшыні Магілёўскага аблвыканкама. Паводле рэгламенту, яго паўнамоцтвы датэрмінова павінны быць спыненыя ў верхняй палаце парламента. Адпаведным указам Прэзідэнта былы старшыня аблвыканкама Леанід Заяц быў прызначаны членам Савета Рэспублікі.
Прадстаўляючы яго ў якасці кандыдата на вакантную пасаду віцэ-спікера Старшыня Савета Рэспублікі Наталля КАЧАНАВА адзначыла, што ведае Леаніда Канстанцінавіча даўно як прафесіянала сваёй справы, вельмі вопытнага кіраўніка, які прайшоў выдатную школу, працуючы кіраўніком прадпрыемства, міністрам, губернатарам.
— Той прафесійны вопыт, які ён мае, несумненна, будзе карысны ў нашай рабоце. Вельмі важна, што Леанід Канстанцінавіч — гэта выдатны чалавек, сапраўдны патрыёт сваёй краіны, — падкрэсліла яна. — Ён любіць і цэніць людзей — гэта вельмі важна, не падзяляе людзей па пасадах, званні, расавай прыналежнасці — для яго ўсе роўныя.
Старшыня Савета Рэспублікі звярнула ўвагу, што Леанід Заяц шмат зрабіў на ніве выканаўчай улады, яго вопыт будзе прыдатны ў заканадаўчым рэчышчы.
З просьбай падтрымаць яго кандыдатуру да членаў Савета Рэспублікі звярнуліся таксама старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіл Русы і сенатар, абраны ад Магілёўскай вобласці, Віктар АНАНІЧ.
— Я вырас і працаваў з вамі і сярод вас, таму сваю біяграфію расказваць няма сэнсу. Я зраблю ўсё, каб апраўдаць давер, які на мяне ўскладзены, — адзначыў Леанід Заяц, падчас абмеркавання яго кандыдатуры на пасаду віцэ-спікера Савета Рэспублікі.
Падчас тайнага галасавання сенатары аднагалосна пагадзіліся з прапанаванай кандыдатурай.
Вольга АНУФРЫЕВА
Фота БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
