Новую машыну хуткай дапамогі і легкавы аўтамабіль падарылі на днях медыкам Карэліцкага раёна. Крыху раней сёлета ўрачы Райцаўскай амбулаторыі таксама атрымалі «хуткую», а налета, як мяркуюць мясцовыя ўлады, у раёне з’явіцца яшчэ адна карэта для неадкладнай дапамогі.
Адну машыну набылі з грашовай дапамогай гаспадарак раёна, другую — за бюджэтныя сродкі, заўважыў, перадаючы ключы ад новага транспарту галоўнаму ўрачу раённай бальніцы, Генадзь ШАТУЕЎ, старшыня Карэліцкага райвыканкама:
— Аўтапарк нашай хуткай дапамогі жадаў лепшага, і новыя машыны ўмацуюць раённую бальніцу. Транспарт будзе пераразмяркоўвацца паміж карэліцкай і мірскай паліклінікамі. У гэты складаны час ваш калектыў паказвае сябе як працалюбівыя і нераўнадушныя прафесіяналы.
Аўтамабіль аснашчаны ўсім неабходным для камфортнай работы медыкаў. Вышыня яго — 1,8 метра, у машыне ёсць крэсла-каталка з функцыяй руху ўперад-назад і фіксацыяй, месца для кіслародных балонаў, а таксама рэнтгенанегатыўныя насілкі і крэсла-каляска.
— Гэта падарунак не толькі медыкам, але і жыхарам. Наш раён маленькі, але ж тут жывуць працавітыя людзі, якія дастойны якаснай, камфортнай і своечасовай медыцынскай дапамогі, — падзякавала за карысны падарунак галоўны ўрач цэнтральнай раённай бальніцы Данута СКВАРАДА.
Усяго за год у мясцовую бальніцу і паліклініку паступіла больш як 20 адзінак тэхнікі і абсталявання амаль на паўмільёна рублёў. Гэта, прынамсі, электракарыдыёграф, які імгненна расшыфроўвае кардыяграму і ставіць дыягназ, партатыўны УГД, які лёгка ўзяць з сабою да цяжка хворых у рэанімацыі, каб не транспарціраваць іх на даследаванне. А яшчэ апарат для гемадыялізу, інфузійныя помпы, кіслародны канцэнтратар і іншыя карысныя і неабходныя рэчы.
Многае падчас пандэміі стала для ўрачоў неабходнасцю. Напрыклад фібрабронхаскоп, які дазваляе ачышчаць ад макроты лёгкія пацыентаў, якія доўгі час знаходзіліся на кіслароднай падтрымцы. А атрыманы зусім нядаўна кліпатар дазваляе спыняць крывацёк з верхніх аддзелаў страўнікава-кішачнага тракту. Наклаўшы кліпсу, можна пазбегнуць поласцевай аперацыі, падкрэсліла карысць і своечасовасць атрыманага абсталявання галоўны ўрач.
Налета мясцовыя ўлады мараць трапіць у інвестыцыйную праграму, каб завяршыць рамонт і мадэрнізацыю станцыі гемадыялізу аддзялення хуткай дапамогі. І абяцаюць, што будзе выдзелена 100 тысяч на рамонт аддзялення дзённага стацыянару.
Ірына СІДАРОК, фота Наталлі САКАЛЯНСКАЙ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.