Міністэрства ўнутраных спраў прадпрымае ўсе меры па забеспячэнні дадатковай бяспекі.
— Для арганізацыі бяспечнага знаходжання грамадзян у месцах правядзення святочных мерапрыемстваў запланаваныя абследаванні тэрыторыі сапёрна-піратэхнічнымі падраздзяленнямі і арганізацыя прапускнога рэжыму з мерапрыемствамі догляду, — адзначыў начальнік упраўлення аховы правапарадку МУС Дзмітрый КУР’ЯН. — У гэтай сувязі нагадваю, што да месцаў масавых гулянняў не дапускаюцца грамадзяне ў стане ап’янення, тыя, хто мае пры сабе калючыя і рэжучыя прадметы, грувасткія рэчы, алкагольныя напоі. Жывёл таксама лепш пакінуць дома.
Асабліва прадстаўнік міліцэйскага ведамства акцэнтаваў сваю ўвагу на бяспечным выкарыстанні піратэхнікі. Не сакрэт, што кожны год на навагоднія і калядныя святы ахвярамі петардаў і салютаў становяцца дзясяткі людзей, уключаючы дзяцей. Міліцыя нагадвае: выкарыстоўваць можна толькі сертыфікаваную прадукцыю і строга ў адпаведнасці з інструкцыяй.
Дзмітрый Кур’ян папярэдзіў, што прымяненне піратэхнікі, якое парушае грамадскі парадак або спакой грамадзян кваліфікуецца як дробнае хуліганства і цягне адказнасць у выглядзе штрафа да 30 базавых велічынь або адміністрацыйны арышт. Калі дадзенае правапарушэнне будзе здзейснена асобай, якая не дасягнула 16 гадоў, то адказнасць панясуць яго бацькі.
Вераніка КАНЮТА
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
