Вы тут

Лідары ядзерных дзяржаў прынялі заяву аб прадухіленні ядзернай вайны


На сайце Крамля апублікавана сумесная заява лідараў пяці ядзерных дзяржаў аб прадухіленні ядзернай вайны і недапушчэнні гонкі ўзбраенняў, паведамляе БелТА.


Фота: pixabay.com

«Кітайская Народная Рэспубліка, Расійская Федэрацыя, Злучанае Каралеўства Вялікабрытаніі і Паўночнай Ірландыі, Злучаныя Штаты Амерыкі і Французская Рэспубліка лічаць сваёй першачарговай адказнасцю недапушчэнне вайны паміж дзяржавамі, якія валодаюць ядзернай зброяй, і зніжэнне стратэгічных рызык, — гаворыцца ў дакуменце. — Мы заяўляем, што ў ядзернай вайне не можа быць пераможцаў і яна ніколі не павінна быць развязана. Паколькі прымяненне ядзернай зброі мела б далёка ідучыя наступствы, мы таксама пацвярджаем, што ядзерныя ўзбраенні — пакуль яны прадаўжаюць існаваць — павінны служыць абарончым мэтам, стрымліванню агрэсіі і прадухіленню вайны. Мы лічым, што далейшае распаўсюджванне такіх узбраенняў павінна быць прадухілена».

Лідары пяці краін пацвердзілі важнасць процідзеяння ядзерным пагрозам і падкрэслілі важнасць захавання і выканання двухбаковых і шматбаковых пагадненняў і абавязацельстваў у сферы нераспаўсюджвання, раззбраення і кантролю над узбраеннямі.

«Мы захоўваем прыхільнасць да нашых абавязацельстваў па Дагаворы аб нераспаўсюджванні ядзернай зброі (ДНЯЗ), уключаючы наша абавязацельства па артыкуле VI «у духу добрай волі весці перагаворы аб эфектыўных мерах па спыненні гонкі ядзерных узбраенняў у бліжэйшым будучым і ядзерным раззбраенні, а таксама аб Дагаворы аб усеагульным і поўным раззбраенні пад строгім і эфектыўным міжнародным кантролем, — гаворыцца ў заяве. — Кожны з нас мае намер захоўваць і далей умацоўваць нашы нацыянальныя меры па прадухіленні несанкцыянаванага або ненаўмыснага прымянення ядзерных узбраенняў. Мы зноў заяўляем аб актуальнасці раней зробленых намі заяў аб ненацэльванні і пацвярджаем, што наша ядзерная зброя не нацэлена адна на другую або на любую іншую дзяржаву».

У дакуменце падкрэсліваецца імкненне працаваць з усімі дзяржавамі ў мэтах стварэння атмасферы бяспекі, больш спрыяльнай для прагрэсу ў сферы раззбраення з канчатковай мэтай пабудовы свету, свабоднага ад ядзернай зброі, без урону для чыёй-небудзь бяспекі.

«Мы маем намер і далей займацца пошукам двухбаковых і шматбаковых дыпламатычных падыходаў, каб пазбягаць ваеннай канфрантацыі, умацоўваць стабільнасць і прадказальнасць, павышаць узровень узаемнага разумення і даверу і прадухіляць гонку ўзбраенняў, якая нікому не прынясе выгады і стане пагрозай для ўсіх. Мы поўныя рашучасці весці канструктыўны дыялог на аснове ўзаемнай павагі і прызнання інтарэсаў і заклапочанасцей адзін аднаго ў галіне бяспекі», — адзначаецца ў заяве.

Выбар рэдакцыі

Грамадства

Персанальныя даныя: ведаць нельга распаўсюджваць

Персанальныя даныя: ведаць нельга распаўсюджваць

Каму, калі, што, дзе і як можа давяраць пра сябе сучасны чалавек.

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.