Вы тут

На гэтым тыдні сіноптыкі абяцаюць да мінус 24 градусаў


Другая дэкада студзеня адзначаецца па-сапраўднаму зімовым надвор'ем. У гэты час на тэрмометрах назіраюцца адмоўныя значэнні тэмпературы, а на раніцу 10 студзеня ў многіх раёнах краіны было зафіксавана снежнае покрыва вышынёй ад 1 сантыметра да 15 сантыметраў, месцамі па ўсходзе краіны — да 18—26 сантыметраў. Самыя высокія гурбы (да 29 сантыметраў) былі на метэастанцыі Мсціслаў. А ў найбліжэйшыя дні маразы ўзмоцняцца, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У сераду — пераважна без ападкаў, толькі месцамі па паўднёвым усходзе краіны пройдзе невялікі кароткачасовы снег. На асобных участках дарог — галалёдзіца. Вецер прагназуецца няўстойлівы слабы з узмацненнем да ўмеранага. Тэмпература паветра ўначы складзе ад мінус 8 градусаў па паўднёвым захадзе да 18 марозу па паўночным усходзе краіны, месцамі — мінус 19—24 градусаў. Удзень будзе ад мінус 3 градусаў па паўднёвым захадзе да 15 марозу па ўсходзе.

Аднак па-сапраўднаму марознае надвор'е пратрымаецца ў нас нядоўга. У другой палове тыдня чакаецца змяненне прыродных умоў. Тэрыторыя Беларусі апынецца ва ўладзе атмасферных франтоў з Заходняй Еўропы, за якімі пачне паступаць цёплае паветра атлантычнага паходжання. Маразы зменяцца адлігамі, ападкі са снегу будуць пераходзіць у мокры снег з дажджом. А гэта можа стаць прычынай галалёдных з'яў.

У чацвер на большай частцы тэрыторыі краіны пройдзе кароткачасовы снег, удзень ён будзе пераходзіць у мокры снег і дождж. Удзень месцамі магчымы галалёд, слабы туман. На асобных участках дарог чакаецца галалёдзіца. Вецер заходні парывісты. Тэмпература паветра ўначы складзе ад 7 да 15 марозу, па паўднёвым захадзе — мінус 5—6 градусаў, па ўсходзе — 16—23 марозу. Удзень будзе ад мінус 3 градусаў да плюс 3, па ўсходзе — да 6 градусаў ніжэй за нуль.

Паводле папярэдніх прагнозаў айчынных сіноптыкаў, ужо ў пятніцу пацяплее амаль паўсюдна. У гэты дзень на большай частцы тэрыторыі краіны пройдуць ападкі ў выглядзе дажджу і мокрага снегу. У асобных раёнах чакаецца слабы галалёд, на дарогах галалёдзіца. Месцамі магчыма ўзмацненне ветру парывамі да 15—20 м/с. Тэмпература паветра ўначы складзе ад мінус 6 градусаў па ўсходзе да плюс 3 па захадзе, удзень — ад нуля да 6 цяпла.

Праўда, на наступны дзень надвор'е абвесціць, што вялікага цяпла адліга не прынесла. У суботу на большай частцы тэрыторыі краіны пройдуць кароткачасовыя ападкі ўжо ў выглядзе снегу, мокрага снегу і дажджу. Месцамі чакаецца слабы галалёд, на дарогах галалёдзіца. У асобных раёнах краіны магчыма ўзмацненне ветру парывамі да 15—20 м/с. Тэмпература паветра ўначы складзе ад мінус 5 градусаў да 2 цяпла, удзень — ад мінус 3 да плюс 3 градусаў.

Сяргей КУРКАЧ

Фота Маргарыты ПАЛЮХОВІЧ

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.