У час зімовых канікул (з 26 да 28 студзеня) студэнты БДПУ адправяцца ў 57-ы інтэрнацыянальны «Зорны паход» па месцах баявой і працоўнай славы беларускага народа.
Ідэя правядзення «Зорных паходаў» нарадзілася ў 1965 годзе, калі студэнты тады яшчэ Мінскага педагагічнага інстытута ўзялі ўдзел ва Усесаюзным паходзе моладзі па месцах рэвалюцыйнай, баявой і працоўнай славы савецкага народа. Яны адправіліся з розных населеных пунктаў краіны, але на карце схема маршруту па форме нагадвала зорку, што і падарыла зімоваму паходу назву «Зорны».
Плануецца, што дзесяць атрадаў (больш за 300 студэнтаў і выкладчыкаў) за тры дні наведаюць у Мінскай вобласці Барысаўскі, Дзяржынскі, Крупскі, Мядзельскі, Слуцкі і Стаўбцоўскі раёны, у Брэсцкай вобласці — Івацэвіцкі раён і ў Гомельскай — Светлагорскі.
Падчас паходу студэнты і выкладчыкі сустрэнуцца з ветэранамі вайны і працы, правядуць мітынгі і ўскладуць кветкі да брацкіх магіл воінаў і мірных жыхароў, якія загінулі ў гады вайны, ва ўстановах адукацыі правядуць прафарыентацыйныя сустрэчы са старшакласнікамі, арганізуюць майстар-класы, трэнінгі і спартыўныя спаборніцтвы, выступяць з канцэртнымі праграмамі для навучэнцаў і жыхароў рэгіёнаў.
Разам з беларускімі студэнтамі ў «Зорным паходзе» прымуць удзел студэнты з Арменіі, Казахстана, Расіі, Таджыкістана і Узбекістана.
А старт паходу будзе дадзены падчас урачыстага мітынгу, які пройдзе 25 студзеня каля помніка студэнтам і выкладчыкам, якія загінулі ў гады Вялікай Айчыннай вайны, ва ўнутраным дворыку БДПУ. Гэта ўжо стала шматгадовай традыцыяй.
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
