Вы тут

Выкраў інструменты і купіў сабе аўтамабіль


У Кобрынскі РАУС звярнуліся трое мясцовых жыхароў, якія паведамілі, што з іх дамоў, якія будуюцца, былі выкрадзены будаўнічыя інструменты: бензапіла, цыркулярная піла, вуглашліфавальная машынка, скрыня для інструментаў, мыйка высокага ціску і шрубаверт. Агульная сума ўрону склала каля 2000 рублёў.


Аператыўнікі крымінальнага вышуку ўстанавілі, што крадзяжы здзейсніў 19-гадовы раней не судзімы, працуючы ў адным з будаўнічых прадпрыемстваў горада, мясцовы жыхар. Малады чалавек выбіраў дамы ў прыватным сектары, якія будуюцца, адкуль у далейшым выкрадаў будаўнічыя інструменты.

Як паведамляе аддзяленне інфармацыі і грамадскіх сувязяў УУС Брэсцкага аблвыканкама, чужую маёмасць малады чалавек прадаў і набыў за атрыманыя сродкі аўтамабіль. Па іроніі лёсу мужчына не паклапаціўся аб набыцці паліва і вярнуўся за ім у прыватны сектар, у хлеў, дзе прыкмеціў каністру бензіну, там і быў затрыманы. Выкрадзенае канфіскавана.

Следчымі дадзена прававая ацэнка дзеянням падазраванага. Цяпер устанаўліваецца яго датычнасць да іншых злачынстваў на тэрыторыі раёна.

Сяргей РАСОЛЬКА

Фота з сайта УУС Брэсцкага аблвыканкама

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».