Дасягненні 2021 года даюць магчымасць больш упэўнена прагназаваць далейшае эканамічнае развіццё краіны. Аб гэтым заявіў намеснік міністра эканомікі Дзмітрый Ярашэвіч, каменціруючы вынікі работы экаpixabay.comномікі за 2021 год, паведамілі ў прэс-службе Мінэканомікі.
Намеснік кіраўніка эканамічнага ведамства нагадаў, што тэмп росту ВУП склаў 102,3 працэнта, і гэта на 0,5 працэнтнага пункта вышэй за прагнознае значэнне. «За звышпланавым дадаткам стаіць вялізны пласт комплекснай работы, якую правялі бізнес і галіны для таго, каб адаптавацца да няпростай знешняй кан’юнктуры і заняць сваёй прадукцыяй нішы, якія з’явіліся на рынках», — падкрэсліў Дзмітрый Ярашэвіч.
Паводле яго слоў, лакаматывам на працягу года нязменна выступала прамысловасць — прырост на 6,5 працэнта. Захаванне станоўчай дынамікі дало магчымасць сферы паслуг унесці супастаўны ўклад у ВУП, у першую чаргу дзякуючы IT-сектару, гандлю і транспарту. «Пераканаўча сведчыць аб узрослай эфектыўнасці работы прадпрыемстваў дынаміка знешняга гандлю таварамі і паслугамі. Паводле даных за 11 месяцаў, абноўлена гістарычна рэкорднае значэнне станоўчага сальда — плюс амаль $4 млрд. Як следства, значна палепшыліся фінансавыя вынікі арганізацый. Чысты прыбытак павялічыўся ў 2,5 раза да студзеня — лістапада мінулага года. Рэнтабельнасць продажаў дасягнула 8,4 працэнта. Знізіліся ў 4 разы сумарныя страты стратных прадпрыемстваў», — адзначыў намеснік міністра.
«Гэтыя поспехі сталі надзейным фундаментам для эканамічна абгрунтаванага росту рэальных даходаў насельніцтва — на 2 працэнты, што таксама вышэй за прагноз. Ён забяспечаны, у першых, за кошт павелічэння заробкаў у рэальным сектары, а па-другое, дадатковай падтрымкі дзяржавай бюджэтнікаў і сацыяльна ўразлівых грамадзян». Такім чынам, дасягненні 2021 года дазваляюць больш упэўнена прагназаваць далейшае развіццё краіны і выкананне праграмы пяцігодкі, ухваленай Усебеларускім народным сходам«, — падкрэсліў Дзмітрый Ярашэвіч.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.