Вы тут

Майстра года ў вытворчым навучанні выбіраюць у Магілёўскай вобласці


У Магілёўскай вобласці праходзіць абласны конкурс прафесійнага майстэрства «Майстар года» сярод майстроў вытворчага навучання ўстаноў адукацыі-каледжаў, ліцэяў і прафесійна-тэхнічных каледжаў. Аб гэтым расказала начальнік аддзела вучэбна-метадычнага цэнтра прафесійнай адукацыі Магілёўскага абласнога інстытута развіцця адукацыі Ірына Кандрашова, перадае БелТА.


«Абласны конкурс сярод майстроў вытворчага навучання праводзіцца з 2010 года, — адзначыла Ірына Кандрашова. — Ён складаецца з двух этапаў — унутрыстаноўчага і абласнога, які ў сваю чаргу праходзіць у два туры. Выпрабаванні першага тура (тэставанне) пераадолелі 11 з 24 удзельнікаў. Менавіта ім трэба будзе зараз паспрачацца за званне „Майстар года“ ў фінале конкурсу. Выніковае мерапрыемства адбудзецца з 24 па 28 студзеня ў Бабруйскім будаўнічым прафесійна-тэхнічным каледжы».

У другім туры заключнага этапу канкурсантам неабходна загадзя даць журы відэазапіс урока, а таксама падрыхтаваць на сцэне творчую прэзентацыю «Мая прафесія — мой выбар». Тут ад удзельнікаў патрабуецца прадставіць сябе, выбраную прафесію і прафесійны вопыт. Наяўнасць у выступе прафарыентацыйнай накіраванасці, артыстызму і творчага падыходу толькі вітаецца.

Па словах Ірыны Кандрашовай, конкурс мае важнае значэнне для сістэмы прафесійна-тэхнічнай адукацыі рэгіёну: ён раскрывае творчы патэнцыял удзельнікаў, павышае іх прафесіяналізм, стымулюе асобасны рост, а таксама спрыяе распаўсюджванню перадавога педагагічнага вопыту. Журы ўзнагародзіць пераможцаў дыпломамі першай, другой і трэцяй ступеняў, а таксама адзначыць канкурсантаў у дадатковых намінацыях.

У Магілёўскай вобласці ў 25 установах прафесійнай адукацыі працуе 486 майстроў вытворчага навучання.

Прэв’ю: pixabay.com

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.