Трэба адрадзіць практыку правядзення ўрокаў гісторыі ў музеі, заявіла падчас пасяджэння праекта БелТА «Экспертнае асяроддзе» на тэму «Год гістарычнай памяці» загадчыца аддзела гісторыі партызанскага руху Беларускага дзяржаўнага музея гісторыі Вялікай Айчыннай вайны Наталля Яцкевіч, перадае агенцтва.
«Вялікая задача зараз — работа з моладдзю, школьнікамі. Але гэта наша традыцыйная работа. Мне здаецца, добра было б адрадзіць практыку, калі ўрокі гісторыі, хаця б па гісторыі Вялікай Айчыннай вайны, праводзіліся б менавіта ў музеі. У нас ёсць цудоўная база: відэа, свая актавая зала, дзе можна паказваць дакументальныя фільмы. У нас падрыхтаваныя экскурсаводы і навуковыя супрацоўнікі, якія могуць па любой тэме больш глыбока паказаць гісторыю вайны і, у прыватнасці, нацысцкі акупацыйны рэжым», — сказала Наталля Яцкевіч.
Паводле яе слоў, актыўна выкарыстоўваюцца новыя формы работы. «У нас па тэме Вялікай Айчыннай вайны распрацаваны квэсты для розных катэгорый школьнікаў і нават дарослых. Яны карыстаюцца вялікай папулярнасцю, — адзначыла загадчыца аддзела. — Як навуковая ўстанова, мы, вядома, удзельнічаем у праектах па выданні навукова-папулярных кніг. Хачу згадаць аб трох. З 1999 года сумесна з Нацыянальным архівам выпусцілі навукова-папулярныя выданні па гісторыі лагераў „Трасцянец“, „Масюкоўшчына“ і „Азарычы“. Прычым гэта кнігі вельмі даступныя. Там шмат ілюстрацый. І я лічу, што яны павінны быць распаўсюджаны ў школьныя бібліятэкі. Можа быць, нават вялікім тыражом іх трэба выпусціць, таму што яны ў папулярнай форме распавядаюць аб найбуйнейшых нацысцкіх лагерах, які быў страшны вынік гэтай дзейнасці нацыстаў на акупаванай тэрыторыі Беларусі».
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!