Група звышбагатых людзей, якія называюць сябе «Патрыятычныя мільянеры», звярнулася з адкрытым пісьмом да Сусветнага эканамічнага форуму ў Давосе. Яны заклікалі да стварэння справядлівай падатковай сістэмы і папрасілі збіраць больш падаткаў з багатых, паведамляе Lenta.ru.
Мільянеры лічаць, што паўстаў «крызіс даверу» да міжнароднай фінансавай сістэмы. Яны назвалі няроўнасць адной з галоўных праблем, а цяперашнюю падатковую сістэму несправядлівай.
«Патрыятычныя мільянеры» лічаць, што доля капіталу звышбагатых людзей у выдатках на аднаўленне сусветнай эканомікі пасля пандэміі павінна быць значна больш, чым цяпер. «У апошнія два гады свет прайшоў праз велізарныя пакуты, але большасць з нас за час пандэміі стала багацей. Пры гэтым толькі нешматлікія з нас могуць сумленна сказаць, што плацяць справядлівыя падаткі», — адзначылі яны.
Сумарны стан дзесяці найбагацейшых людзей свету з сакавіка 2020 года павялічыўся ў два разы. Брытанскае аддзяленне «Патрыятычных мільянераў» падлічыла, што калі абкласці падаткам на багацце ў 2% штогод тых, хто мае больш за пяць мільёнаў даляраў, у 3%— тых, хто мае больш за 50 мільёнаў даляраў, і ў 5% — мільярдэраў, то можна збіраць дадаткова 2,5 трыльёна даляраў. На гэтыя грошы можна выцягнуць з беднасці 2,3 мільярда чалавек, а таксама вырабіць вакцыны ад каранавіруса для ўсяго свету.
Прэв’ю: pixabay.com
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
