Вы тут

Наталля Качанава – паслу: Беларусь адкрыта для шырокага дыялогу з Саудаўскай Аравіяй


Сёння ў Савеце Рэспублікі адбылася сустрэча спікера верхняй палаты беларускага парламента Наталлі Качанавай з Надзвычайным і Паўнамоцным паслом Каралеўства Саудаўскай Аравіі ў Расійскай Федэрацыі і Рэспубліцы Беларусь па сумяшчальніцтве Абдулрахманам Сулейманам аль-Ахмадам. Удзельнікі абмеркавалі стан і перспектывы двухбаковага міждзяржаўнага і міжпарламенцкага супрацоўніцтва.


БелТА

У сустрэчы таксама прынялі ўдзел члены Савета Рэспублікі — старшыня Пастаяннай камісіі па міжнародных справах і нацыянальнай бяспецы Сяргей Рачкоў і кіраўнік рабочай групы па супрацоўніцтве з парламентам Каралеўства Саудаўская Аравія Алег Румо. 

— Беларусь надае самую сур’ёзную ўвагу сяброўскім адносінам паміж нашымі краінамі, — акцэнтавала спікер увагу напачатку сустрэчы і падкрэсліла: беларускі бок гатовы супрацоўнічаць абсалютна па ўсіх кірунках, якія выклікаюць зацікаўленасць у Саудаўскай Аравіі і будуць спрыяць умацаванню партнёрскіх сувязяў. 

Наталля Качанава выказала ўпэўненасць, што візіт дыпламата ў Беларусь надасць новы імпульс ва ўзаемаадносінах краін і будзе садзейнічаць развіццю сяброўства паміж двума народамі. 

Спікер адзначыла важнасць супрацоўніцтва па ўсіх кірунках, звярнуўшы ўвагу на міжпарламенцкае ўзаемадзеянне. 

— Для нас, членаў Савета Рэспублікі, важна супрацоўніцтва паміж парламентарыямі нашых краін, — падкрэсліла яна, нагадаўшы аб магчымасцях адпаведных груп сяброўства, якія створаны ў Саудаўскай Аравіі і ў Беларусі. — Пры Нацыянальным сходзе Рэспублікі Беларусь створана такая група, якую ўзначальвае член Савета Рэспублікі, дырэктар РНПЦ транспланталогіі і гематалогіі Алег Румо. 

Наталля Качанава зрабіла акцэнт на магутным патэнцыяле гандлёва-эканамічнага супрацоўніцтва паміж дзяржавамі, у развіцці якога парламентарыі адыгрываюць не апошнюю ролю. Карыстаючыся выпадкам, яна запрасіла спікера парламента Каралеўства Саудаўскай Аравіі і кіраўніка адпаведнай групы сяброўства наведаць з афіцыйным візітам Беларусь, каб вызначыць планы па далейшым супрацоўніцтве паміж парламентарыямі абедзвюх краін. 

— Мы гатовы для сяброўства і супрацоўніцтва паміж нашымі краінамі і народамі, таму адкрыты для шырокага дыялогу з Саудаўскай Аравіяй, — яшчэ раз падкрэсліла яна. 

Разам з тым, звяртаючы ўвагу на тое, што сёння ўжо адбыліся сустрэчы з кіраўніцтвам МЗС Беларусі і Палаты прадстаўнікоў і некаторае кола пытанняў ужо гучала, Наталля Качанава вылучыла адзін важны тэзіс: 

— Наша краіна адкрыта для грамадзян Саудаўскай Аравіі (у нас уведзены бязвізавы рэжым), таму мы разлічваем, што ў адносінах для беларусаў будзе прынята такое ж рашэнне, — адзначыла яна. 

Са свайго боку Абдулрахман Сулейман аль-Ахмад падзякаваў Наталлі Качанавай за магчымасць правесці асабістую сустрэчу і пацвердзіў прыхільнасць да захавання добрых сяброўскіх адносін паміж краінамі, далейшага развіцця міжпарламенцкага ўзаемадзеяння. 

Дыпламат адзначыў, што з-за COVID-19 быў часова прыпынены абмен візітамі і выказаў надзею, што ў бліжэйшы час сітуацыя нармалізуецца. Пасол таксама дадаў, што Саудаўская Аравія ўдзельнічае ў тэндары па падрыхтоўцы выставы «Экспа-2030» і папрасіў падтрымкі ў Беларусі па гэтым пытанні.

Спікер верхняй палаты парламента запэўніла госця, што ўсе ўзнятыя ім на сустрэчы пытанні будуць уважліва разгледжаны. 

Вольга АНУФРЫЕВА

Выбар рэдакцыі

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.

Культура

Пра што сведчаць гістарычныя графіці ў самым старажытным захаваным храме Беларусі

Пра што сведчаць гістарычныя графіці ў самым старажытным захаваным храме Беларусі

Надпісы кшталту «тут быў...» на сценах з’яўляліся яшчэ ў Сярэднявеччы.

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.