Адзін з вечароў раней судзімы 25-гадовы жыхар Гарадка вырашыў правесці ў мясцовай піцейнай установе. Ужо за поўнач градус весялосці настолькі ўдарыў мужчыну ў галаву, што ён ужо з цяжкасцю мог ацаніць свае дзеянні.
У выніку прыводзіць яго ў прытомнасць прыйшлося супрацоўнікам міліцыі. Жыхара райцэнтра ўжо практычна ў несвядомым стане забралі ў аддзел. Што было далей, паведамляе УУС Віцебскага аблвыканкама.
Па дарозе мужчына паводзіў сябе вельмі ціха, а вось у міліцыі, сабраўшы рэшткі сіл, напаў на прадстаўнікоў закона. У выніку падазраваны нанёс два ўдары ў галаву супрацоўніку ІСН. Пасля гэтага хулігана ўціхамірылі і адправілі на медыцынскі агляд. Высветлілася, што ў парах затрыманага ўтрымлівалася больш за 2 праміле алкаголю.
Нападзенне на праваахоўніка не прайшло для жыхара райцэнтра без наступстваў: на яго пачалі крымінальную справу за гвалт у дачыненні да супрацоўніка міліцыі.
Сяргей РАСОЛЬКА
Мерапрыемства праводзіцца на добраахвотнай аснове.
Не выявіць ні секунды абыякавасці.
