Старшыня Палаты прадстаўнікоў Уладзімір Андрэйчанка сустрэўся з Надзвычайным і Паўнамоцным Паслом Каралеўства Саудаўская Аравія ў Расійскай Федэрацыі і Рэспубліцы Беларусь па сумяшчальніцтве Абдулрахманам Сулейманам аль-Ахмадам, паведаміла БелТА.
Спікер Палаты прадстаўнікоў адзначыў, што Беларусі і Саудаўскай Аравіі неабходна развіваць гандлёва-эканамічныя адносіны, дагаворна-прававую базу, супрацоўніцтва ў міжнародных арганізацыях. «Немалую ролю, вядома, у развіцці адносін адыгрываюць і міжпарламенцкія групы дружбы, якія створаны ў нашых парламентах. Думаю, што надышоў час для таго, каб нашы групы дружбы падрыхтавалі пагадненне аб міжпарламенцкім супрацоўніцтве. Яго можна было б падпісаць падчас візіту на высокім узроўні. У цэлым хачу сказаць, што ў Беларусі і Саудаўскай Аравіі вельмі шмат напрамкаў, па якіх мы можам актывізаваць наша супрацоўніцтва. Таму мы чакаем і ад вас цікавых прапаноў, напрамкаў і ініцыятыў», — падкрэсліў ён.
У сваю чаргу, пасол дадаў, што Саудаўская Аравія таксама зацікаўленая развіваць узаемадзеянне з Беларуссю. «У дадзены момант у нас вельмі актыўная сумесная работа. У сувязі з сітуацыяй з COVІD-19 у апошнія два гады мы не змаглі абмяняцца дэлегацыямі, спадзяёмся, што цяпер будзе такая магчымасць. Каралеўства Саудаўская Аравія зацікаўлена ў абмене дэлегацыямі і ў актывізацыі ўзаемаадносін у эканамічнай сферы», — адзначыў Абдулрахман Сулейман аль-Ахмад.
Фота БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
